కువైట్: కువైట్ ఉత్తర భూ సరిహద్దు వెంబడి ఉన్న రెండు ప్రాంతాలను లక్ష్యంగా చేసుకుని, పేలుడు పదార్థాలు అమర్చిన రెండు డ్రోన్‌లతో దాడి జరిగిందని కువైట్ రక్షణ మంత్రిత్వ శాఖ ప్రకటించింది.

ఫైబర్ ఆప్టిక్ వైర్ల ద్వారా నియంత్రించబడిన ఈ డ్రోన్‌లు ఇరాక్ నుండి బయలుదేరి సరిహద్దు పోస్టులను ఢీకొట్టాయని, దీనివల్ల ఆస్తి నష్టం సంభవించిందని అధికార ప్రతినిధి కల్నల్ సౌద్ అబ్దుల్ అజీజ్ అల్-అత్వన్ తెలిపారు. ఈ ఘటనలో ఎటువంటి ప్రాణనష్టం సంభవించలేదని ఆయన ధృవీకరించారు. దాడి ఘటనపై సంబంధిత అధికారులు విచారణ ప్రారంభించారని మంత్రిత్వ శాఖ పేర్కొంది.

కాగా, కువైట్ పై డ్రోన్ దాడిని గల్ఫ్ దేశాలు ఖండించాయి. ఇలాంటి దాడులు ప్రాంతీయ భద్రతకు విఘాతం కలిగిస్తాయని హెచ్చరించాయి.