అమెరికా: డొనాల్డ్ ట్రంప్ పాల్గొన్న వైట్‌హౌస్ కరస్పాండెంట్స్ డిన్నర్ సందర్భంగా కాల్పుల ఘటన చోటుచేసుకుంది. ఈ సంఘటన అమెరికా అంతటా కలకలం రేపింది. నిందితుడి ఫోటో, వీడియోలను ట్రంప్ తన సోషల్ మీడియా ప్లాట్‌ఫామ్ నిజం సోషల్ మీడియా లో షేర్ చేశారు.

ఘటన ఎలా జరిగింది?
హిల్‌టన్ హోటల్ వద్ద జరిగిన ఈ ఈవెంట్‌లో వందలాది మంది పాల్గొన్నారు. ట్రంప్ ప్రసంగానికి సిద్ధమవుతున్న సమయంలో బయట భద్రతా చెక్‌పాయింట్ వద్ద కాల్పులు వినిపించాయి. వెంటనే సీక్రెట్ సర్వీస్ అధికారులు స్పందించి ట్రంప్, మెలానియా ట్రంప్లను సురక్షితంగా తరలించారు.

నిందితుడి వివరాలు
నిందితుడిని కాలిఫోర్నియాకు చెందిన కోల్ థామస్ అలెన్‌గా గుర్తించారు. అతడు బుల్లెట్‌ప్రూఫ్ వెస్ట్ ధరించి, ఆయుధాలతో భద్రతా వలయాన్ని ఛేదించేందుకు ప్రయత్నించాడు. అడ్డుకునే క్రమంలో కాల్పులకు తెగబడ్డాడు.

సీక్రెట్ సర్వీస్ సాహసం
ఎదురుకాల్పుల్లో ఒక సీక్రెట్ సర్వీస్ అధికారి గాయపడ్డారు. అయితే ఆయన ధరించిన బుల్లెట్‌ప్రూఫ్ జాకెట్ వల్ల ప్రాణాపాయం తప్పింది. అధికారులు వెంటనే నిందితుడిని అదుపులోకి తీసుకున్నారు.

భయాందోళనలో అతిథులు
తుపాకీ శబ్దాలతో వేదిక వద్ద ఉన్న అతిథులు భయంతో టేబుళ్ల కింద దాక్కున్నారు. కొద్ది సేపటికే (Washington Shooting) భద్రతా బలగాలు పరిస్థితిని అదుపులోకి తీసుకుని అందరినీ సురక్షితంగా బయటకు పంపించాయి.

ట్రంప్ స్పందన
ఘటన అనంతరం ట్రంప్ మాట్లాడుతూ సీక్రెట్ సర్వీస్ అధికారులను హీరోలుగా అభివర్ణించారు. “ఇది ఒక మానసిక రోగి చేసిన పని. మన దేశంలో ఇలాంటి హింసకు చోటు లేదు” అని అన్నారు.