యూఏఈ: దుబాయ్ ఇటీవల తన రెండేళ్ల ప్రాపర్టీ వీసా నిబంధనలను అప్డేట్ చేసింది.  దీనితో వీసా పొందే అర్హత సులభతరం అయ్యింది. ఈ నివాస వీసా, సులభమైన దరఖాస్తు ప్రక్రియతో నగరంలో నివసించడానికి మరియు అత్యంత అభివృద్ధి చెందిన నివాస మరియు పెట్టుబడి నుండి ప్రయోజనం పొందడానికి అనుమతిస్తుంది.

ఇప్పుడు, ఫర్సనల్ పెట్టుబడిదారుల కోసం Dh750,000 కనీస ఆస్తి విలువ నిబంధనను తొలగించారు.  అంటే వారు వీసా పొందడానికి కనీస పెట్టుబడి అవసరం లేదు. అయితే, ఒకరి కంటే ఎక్కువ మంది ఉమ్మడిగా ఆస్తిని కలిగి ఉన్నట్లయితే, యాజమాన్యం సమానంగా విభజించబడినప్పటికీ, నివాస వీసా కోసం దరఖాస్తు చేసుకోవడానికి అర్హత పొందాలంటే ప్రతి పెట్టుబడిదారుడు కనీసం Dh400,000 విలువైన వాటాను కలిగి ఉండాలని స్పష్టం చేశారు.

వీసా పొందడానికి మీరు తెలుసుకోవలసినవి:

అర్హత

ఒకే ఆస్తి యజమాని

మీరు దుబాయ్‌లోని ఒక ఆస్తికి ఏకైక యజమాని అయితే, కనీస ఆస్తి విలువ నిబంధన లేకుండా 2 సంవత్సరాల నివాస వీసా కోసం దరఖాస్తు చేసుకోవచ్చు.

మల్టీ ఆస్తి యజమానులు

ఆస్తి ఉమ్మడి యాజమాన్యంలో ఉన్నట్లయితే, అర్హత పొందడానికి ప్రతి యజమాని కనీసం Dh400,000 వాటాను కలిగి ఉండాలి.

అవసరమైన డాక్యుమెంట్స్

దుబాయ్‌లో ఒక కుటుంబాన్ని స్పాన్సర్ చేయడానికి, మీరు మీ దరఖాస్తుతో పాటు ఈ క్రింది డాక్యుమెంట్స్ ను సమర్పించాలి:

దుబాయ్‌లోని ఆస్తి యొక్క టైటిల్ డీడ్ (ఇతర ఎమిరేట్స్ లేదా DIFC నుండి జారీ చేయబడిన ఆస్తులు ఆమోదించబడవు)

బ్యాంకు నుండి లయబిలిటీ / నో అబ్జెక్షన్ సర్టిఫికేట్ (NOC) (ఆస్తి తాకట్టులో ఉన్నట్లయితే) లేదా డెవలపర్ నుండి చెల్లింపు స్టేట్‌మెంట్ (ఆస్తి డెవలపర్-ఫైనాన్స్ చేయబడినట్లయితే)

స్పష్టమైన పాస్‌పోర్ట్ కాపీ (పాస్‌పోర్ట్ 6 నెలల కంటే ఎక్కువ కాలం చెల్లుబాటులో ఉండాలి).

పాత ఎమిరేట్స్ ID (వర్తిస్తే).

ICP నిర్దేశాలకు సరిపోలే అధిక నాణ్యత గల దరఖాస్తుదారు డిజిటల్ ఫోటో

ఆరోగ్య బీమా (UAEలోని ఏదైనా బీమా కంపెనీ నుండి)

దుబాయ్ ల్యాండ్ డిపార్ట్‌మెంట్‌కు ఉద్దేశించిన, దుబాయ్ పోలీసులు జారీ చేసిన కండక్ట్ మరియు నడవడిక ధృవీకరణ సర్టిఫికేట్ (నివాసితుల కోసం, దుబాయ్ పోలీస్ మొబైల్ యాప్‌ను ఉపయోగించండి; నివాసితులు కానివారు, దయచేసి పోర్ట్ రషీద్‌లోని దుబాయ్ పోలీస్ స్టేషన్‌ను సందర్శించండి).

కింది దేశాల నుండి దరఖాస్తు చేసుకునేవారు తప్పనిసరిగా వారి జాతీయ గుర్తింపు కార్డును తీసుకురావాలి: ఇరాన్, పాకిస్తాన్, ఇరాక్, లిబియా, ఆఫ్ఘనిస్తాన్

ఖర్చు

కొత్త ప్రాపర్టీ ఇన్వెస్టర్ వీసా: Dh10,545

ప్రాపర్టీ ఇన్వెస్టర్ వీసా పునరుద్ధరణ: Dh8,215

ప్రాపర్టీ ఇన్వెస్టర్ వీసా రద్దు: Dh1,239

ఎలా దరఖాస్తు చేయాలి

వీసా కోసం దరఖాస్తు చేసుకోవడం చాలా సులభం. దరఖాస్తుదారులు అధికారిక వెబ్‌సైట్‌ను (https://dldcube.com/en/investor-new-applications-for-2-years/) సందర్శించి, కింది దశలను అనుసరిస్తే సరిపోతుంది:

నిబంధనలు మరియు షరతులను చదివి, అంగీకరించాలి.

దరఖాస్తుదారు యూఏఈలో నివసిస్తున్నారా లేదా అనేదాన్ని ఎంచుకోవాలి.

పత్రాలను అప్‌లోడ్ చేసి, దరఖాస్తులను పూరించాలి.

దరఖాస్తును సమర్పించి, చెల్లింపును పూర్తి చేయాలి.