కువైట్ః అహ్మదీ గవర్నరేట్ భద్రతా డైరెక్టరేట్, ఆపరేషన్స్ అండ్ పెట్రోల్స్ విభాగం ఆధ్వర్యంలో ఫహహీల్ మరియు మహబూలా ప్రాంతాలలో భద్రతాపరమైన తనిఖీలు నిర్వహించారు. ఈ సందర్భంగా చట్టాన్ని ఉల్లంఘించి లైసెన్స్ లేని స్టాళ్లను ఏర్పాటు చేసి  వస్తువులను విక్రయిస్తున్న ఎనిమిది మంది వ్యక్తులను రెడ్ హ్యాండెడ్‌గా పట్టుకున్నారు. అధికారులు వారి నుండి పొగాకు ఉత్పత్తులు, కూరగాయలు, దుస్తులు, బూట్లు, గృహోపకరణాలు మరియు ఇతర రకరకాల వస్తువులతో సహా పలు రకాల వస్తువులను స్వాధీనం చేసుకున్నారు. అరెస్టు అయిన వారందరినీ అవసరమైన చట్టపరమైన చర్యల కోసం సంబంధిత అధికారులకు అప్పగించారు.కువైట్ మునిసిపాలిటీ సమన్వయంతో అనధికార స్టాళ్లను తొలగిస్తున్నట్లు అంతర్గత వ్యవహారాల మంత్రిత్వ శాఖ వెల్లడించింది. ప్రజా శాంతిభద్రతలను కాపాడటానికి అన్ని ప్రాంతాలలో భద్రతా పరమైన తనిఖీ కార్యక్రమాలు కొనసాగుతాయని తెలిపింది. భద్రతా సిబ్బందికి సహకరించాలని, ఏవైనా ఉల్లంఘనలు లేదా అనుమానాస్పద కార్యకలాపాలను గుర్తిస్తే వెంటనే సంబంధిత అధికారులకు తెలియజేయాలని మంత్రిత్వశాఖ పిలుపునిచ్చింది.