రియాద్ః లైసెన్సు లేకుండా వైద్య వృత్తిని కొనసాగించినందుకు, అనధికార గర్భస్రావ ప్రమోటింగ్ డ్రగ్ కేసులో దోషిగా తేలిన ఒక ప్రవాసికి ఆరు నెలల జైలు శిక్ష మరియు SR 100,000 జరిమానా విధించారు. 'వైద్య వృత్తుల నిర్వహణ చట్టం' (Law of Practicing Healthcare Professions) మరియు దాని నిబంధనలను ఉల్లంఘించినట్లు ఆరోగ్య మంత్రిత్వ శాఖ తెలిపింది. అలాగే, అనధికారికంగా గర్భస్రావానికి మెడిసిన్ ను విక్రయానికి సంబంధించి ప్రమోషన్స్ నిర్వహించినట్లు పేర్కొంది.
 
రియాద్ ప్రాంతంలో వైద్యపరమైన నిబంధనల ఉల్లంఘనదారుపై చట్టపరమైన చర్యలు తీసుకున్నట్లు మంత్రిత్వ శాఖ తెలిపింది. లబ్ధిదారుల భద్రతను కాపాడటానికి మరియు  ఆమోదించబడిన ఆరోగ్య నిబంధనల అమలును నిర్ధారించడానికి చేపట్టిన నిరంతర పర్యవేక్షణ ప్రయత్నాలలో భాగంగా జరిగిన తనిఖీ సమయంలో ఈ కేసు బయటకు వచ్చిందన్నారు. ఏవైనా ఉల్లంఘనల గురించి తెలిస్తే..కాల్ సెంటర్ నంబర్ 937 ద్వారా తెలియజేయాలని  ప్రజలకు విజ్ఞప్తి  చేసింది.