మస్కట్: ప్రాంతీయంగా నెలకొన్న ఉద్రిక్తతల నేపథ్యంలో ఒమన్ విదేశాంగ మంత్రి సయ్యద్ బదర్ బిన్ హమద్ అల్ బుసైదీ పలు దేశాల మంత్రులతో చర్చలు జరిపారు.  ఎస్టోనియా గణతంత్ర విదేశాంగ మంత్రి మార్గస్ త్సాఖ్నా తో టెలిఫోన్ ద్వారా చర్చలు జరిపారు. 

ఈ సందర్భంగా ఒమన్ మరియు ఎస్టోనియా మధ్య ద్వైపాక్షిక సంబంధాలు మరియు సహకారాన్ని పెంపొందించే మార్గాలపై సమీక్షించారు. ప్రస్తుత ప్రాంతీయ మరియు అంతర్జాతీయ సమస్యలపై కూడా తమ అభిప్రాయాలను పంచుకున్నారు. సంక్షోభాలను అరికట్టడానికి దౌత్యపరమైన కార్యక్రమాలకు మద్దతును కొనసాగించాల్సిన అవసరం ఉందన్నారు. 

అనంతరం సయ్యద్ బదర్.. నెదర్లాండ్స్ విదేశాంగ మంత్రి టామ్ బెరెండ్సెన్‌తో కూడా చర్చలు జరిపారు. ఇరు దేశాల మధ్య సంబంధాలపై సమీక్షించారు.  అలాగే ముఖ్యంగా రవాణా మరియు లాజిస్టిక్స్ రంగాలలో ద్వైపాక్షిక సహకారాన్ని అభివృద్ధి చేసుకునే అవకాశాల గురించి చర్చించారు. సముద్రయానానికి అంతరాయం కలగడం వల్ల తలెత్తే సవాళ్లను పరిష్కరించడానికి జరుగుతున్న ప్రయత్నాల గురించి వారు చర్చించారు. అన్ని పక్షాల చట్టబద్ధమైన ఆకాంక్షలను నెరవేర్చేలా, ప్రపంచ ఆర్థిక వ్యవస్థకు మద్దతు ఇవ్వడానికి దోహదపడే ఏకాభిప్రాయ పరిష్కారాలను రూపొందించాల్సిన అవసరం ఉందని వారు అభిప్రాయపడ్డారు.