పుదుచ్చేరి రాజకీయాల్లో అత్యంత ప్రజాదరణ కలిగిన నాయకుడిగా పేరున్న ఎన్. రంగసామి మరోసారి అధికార పీఠాన్ని అధిష్టించారు. ఈ సందర్భంగా చోటు చేసుకున్న విశేషాలు ఇక్కడ ఉన్నాయి. రంగసామి ఐదోసారి ముఖ్యమంత్రిగా ప్రమాణం చేయడం ఆయన రాజకీయ ప్రస్థానంలో ఒక మైలురాయి. గతంలో కాంగ్రెస్ తరపున రెండుసార్లు, తన సొంత పార్టీ ఏఐఎన్‌ఆర్‌‌సీ (AINRC) తరపున రెండుసార్లు ముఖ్యమంత్రిగా పనిచేసిన ఆయన, ఇప్పుడు బీజేపీతో కలిసి ఎన్​డీఏ (NDA) కూటమిలో ఐదోసారి ముఖ్యమంత్రిగా ఎన్నికయ్యారు.

ఈసారి పుదుచ్చేరిలో ఏర్పాటు చేయబడింది సంయుక్త ప్రభుత్వం. లోక్ భవన్ లో జరిగిన వేడుకలో ఏఐఎన్‌ఆర్‌‌సీ సభ్యులతో పాటు బీజేపీకి చెందిన నేతలు కూడా మంత్రివర్గంలో భాగస్వాములయ్యారు. లెఫ్టినెంట్ గవర్నర్ కే కైలాస్​నాథన్ ఈ ప్రమాణ స్వీకార కార్యక్రమాన్ని నిర్వహించారు. ఈ కార్యక్రమంలో బీజేపీ జాతీయ కార్యదర్శి నితిన్ నబీన్, కేంద్ర మంత్రి మన్సుఖ్ మాండవీయా పాల్గొనడం ద్వారా కేంద్ర ప్రభుత్వం, ఎన్​డీఏ కూటమి పుదుచ్చేరి అభివృద్ధికి ఎంత ప్రాధాన్యత ఇస్తుందో స్పష్టమైంది. కేంద్రం నుంచి పూర్తి స్థాయి నిధులు, సహకారం పొందడం ద్వారా పుదుచ్చేరిని అభివృద్ధి పథంలో నడిపిస్తామని రంగసామి ఈ సందర్భంగా ధీమా వ్యక్తం చేశారు. పుదుచ్చేరిలో పర్యాటకం, మౌలిక సదుపాయాల కల్పన నిరుద్యోగ సమస్య పరిష్కారం దిశగా కొత్త ప్రభుత్వం అడుగులు వేయనుంది. ముఖ్యంగా కేంద్రపాలిత ప్రాంతానికి ‘ప్రత్యేక హోదా’ తీసుకురావడంలో రంగసామి గట్టి ప్రయత్నాలు చేస్తారని ప్రజలు ఆశిస్తున్నారు.