యూఏఈః ఊపిరాడకుండా చేసే (choking) ప్రమాదం ఉండవచ్చనే కారణంతో 'Flying Tiger Copenhagen' సంస్థకు చెందిన పిల్లల ఉత్పత్తిని వెనక్కి తీసుకోవాలని సౌదీ అరేబియా వాణిజ్య మంత్రిత్వ శాఖ తాజాగా ఆదేశాలు జారీ చేసింది.

2024 మరియు 2025 మధ్య తయారైన సుమారు 537 'పిల్లల టీ సెట్ గేమ్' (Children’s Tea Set Game) యూనిట్లను దుకాణాల నుండి తొలగించారు. ఇది చిన్న పిల్లలకు ఊపిరాడకుండా చేసే ప్రమాదాన్ని కలిగిస్తుందని సౌదీ అధికారులు హెచ్చరించారు. ఈ ఉత్పత్తి ఐటమ్ నంబర్: 3058431గా పేర్కొన్నారు.  

వినియోగదారులు ఈ ఉత్పత్తిని వెంటనే వాడటం ఆపివేసి, పూర్తి డబ్బు వాపసు (refund) పొందడానికి దానిని కొనుగోలు చేసిన దుకాణానికి తిరిగి అప్పగించాలని కోరారు. ఉత్పత్తిని సురక్షితంగా తిరిగి అప్పగించేంత వరకు, పిల్లలకు అందుబాటులో లేకుండా దూరంగా ఉంచాలని తల్లిదండ్రులకు మరియు సంరక్షకులకు ఈ రీకాల్ నోటీసులో  సూచించారు.
ఏప్రిల్ నెలలో ప్రకటించిన ఒక రీకాల్‌ను అనుసరించి ఈ తాజా చర్య తీసుకున్నారు.  ఆ సమయంలో అధికారులు 'Flying Tiger' సంస్థకు చెందిన 6,341 గాజు గ్లాసుల (220ml) యూనిట్లను మార్కెట్ నుండి తొలగించారు. ప్రభావిత ఉత్పత్తులు 2024 మరియు 2025 సంవత్సరాలలో విక్రయించినట్టు పేర్కొన్నారు.

ఆ గాజు గ్లాసుల బయటి భాగంలో ముద్రించిన డిజైన్లలో సీసం (lead) మరియు కాడ్మియం (cadmium) స్థాయిలు అధికంగా ఉన్నట్లు ప్రయోగశాల పరీక్షల్లో తేలడంతో ఈ రీకాల్ ప్రక్రియ ప్రారంభమైంది. వీటిని పదే పదే వాడటం వల్ల ఆరోగ్యానికి ప్రమాదాలు ఏర్పడవచ్చని ఆరోగ్య అధికారులు హెచ్చరించారు.

రీకాల్ చేసిన గాజు గ్లాసుల ఉత్పత్తి నంబర్లు 3060031, 3057450, 3062993, 3052986, 3053912, 3055350 గా పేర్కొన్నారు. అధిక స్థాయిలో సీసం ఉన్నట్లు తేలిన ఈ ఉత్పత్తికకి సంబంధించి యూఏఈ, కువైట్ దేశాలు కూడా ఇంతకుముందే ఇలాంటి హెచ్చరికలనే జారీ చేశాయి.