యూఏఈః రాబోయే ఈద్ అల్ అదా 2026 సెలవుల సమయంలో యూఏఈ నివాసితులు సమావేశాలు మరియు విహారయాత్రలకు సిద్ధమవుతున్నారు. ఈ నేపథ్యంలో నాలుగు ఎమిరేట్‌లలోని అధికారులు ఉచిత పార్కింగ్‌ను ప్రకటించారు. దీనివల్ల కుటుంబాలు మరియు స్నేహితులు ఎటువంటి పార్కింగ్ ఫీజులు లేకుండా సెలవులను ఆస్వాదించవచ్చు.
ఈద్ అల్ అదా సెలవులు
యూఏఈలోని ప్రభుత్వ రంగ ఉద్యోగులకు సెలవు దినాలు మే 25 (సోమవారం) నుండి మే 29(శుక్రవారం) వరకు ఉంటాయి. వారాంతపు సెలవులతో (శని/ఆది) కలిపి చూస్తే, ఉద్యోగులకు ఇది 9 రోజుల సుదీర్ఘ సెలవుగా లభిస్తుంది. కార్యాలయాలు జూన్ 1న ప్రారంభమవుతాయి.

ప్రతి ఎమిరేట్‌లో ఎన్ని రోజుల ఉచిత పార్కింగ్ లభిస్తుంది?
దుబాయ్ (6 రోజులు)
దుబాయ్‌లో నివాసితులు మరియు సందర్శకులు మే 24 నుండి ప్రారంభమయ్యే ఆరు రోజుల పాటు రోడ్లు మరియు రవాణా అథారిటీ (RTA) స్మార్ట్ ఛానెళ్ల ద్వారా తమ పార్కింగ్‌ను పునరుద్ధరించుకోవాల్సిన అవసరం లేదు. ఎందుకంటే ఈద్ బ్రేక్ సందర్భంగా మే 25 నుండి  మే 29 వరకు ఉచిత పార్కింగ్ ప్రకటించచారు. అంతేకాకుండా, ఈ ఎమిరేట్‌లోని వాహనదారులు ప్రతి ఆదివారం దుబాయ్ అంతటా ఉచిత పార్కింగ్ సౌకర్యాన్ని ఇప్పటికే పొందుతున్నారు.

అజ్మాన్ (4 రోజులు)
మే 26 నుండి మే 29, వరకు నాలుగు రోజుల పాటు పార్కింగ్ ఉచితంగా ఉంటుందని అజ్మాన్ మున్సిపాలిటీ ప్రకటించింది. ఈ ఎమిరేట్‌లో చెల్లింపు పార్కింగ్ విధానం మే 30 నుండి తిరిగి ప్రారంభమవుతుంది.

అబుదాబి (6 రోజులు)
ఈద్ అల్ అదా పర్వదినం సందర్భంగా మే 25 నుండి మే 29 వరకు ప్రభుత్వ పార్కింగ్ ఉచితంగా ఉంటుందని అబుదాబి ప్రకటించింది. సాధారణ పార్కింగ్ వేళలు మే 30 నుండి తిరిగి అమల్లోకి వస్తాయి.ఈ ఎమిరేట్‌లో ఆదివారాల్లో పార్కింగ్ సాధారణంగానే ఉచితం. దీనికి ఈద్ సెలవులను కూడా కలిపితే, అబుదాబి నివాసితులకు మొత్తం ఆరు రోజుల పాటు ఉచిత పార్కింగ్ లభిస్తుంది.
అయితే, ప్రభుత్వ మల్టీ స్టోరీ (multi-storey) పార్కింగ్ ఫీజులు మాత్రం యథావిధిగా వర్తిస్తాయి.

షార్జా (3 రోజులు)
షార్జా నగర మున్సిపాలిటీ తెలిపిన వివరాల ప్రకారం, ఈద్ అల్ అదా పండుగ మొదటి మూడు రోజుల పాటు షార్జా నివాసితులు మరియు సందర్శకులు ఉచిత ప్రభుత్వ పార్కింగ్ సేవలను వినియోగించుకోవచ్చు. ఈద్ పండుగ మొదటి, రెండవ మరియు మూడవ రోజుల్లో (మే 27, నుండి మే 29 వరకు) ప్రభుత్వ పార్కింగ్ ఉచితంగా ఉంటుందని షార్జా మున్సిపాలిటీ తెలిపింది. ఈ ఎమిరేట్‌లో సాధారణ చెల్లింపు పార్కింగ్ విధానం శనివారం నుండి గురువారం వరకు, ఉదయం 8 గంటల నుండి రాత్రి 10 గంటల వరకు అమల్లో ఉంటుంది.