కువైట్: షేక్ జాబెర్ అల్-అహ్మద్ సాంస్కృతిక కేంద్రంలోని ప్రసిద్ధ సంగీత ఫౌంటెన్ అద్భుతమైన సంగీత ప్రదర్శనలతో తిరిగి ప్రారంభం కానుంది.  దీనిని నిర్వహణ పనుల కోసం కొంతకాలం మూసివేశారు. దీనితో కువైట్‌లోని అత్యంత ఆదరణ పొందిన సాంస్కృతిక మరియు వినోద ఆకర్షణలలో ఒకటి తిరిగి వచ్చినట్టయింది. కెపిటల్ గవర్నర్ షేక్ అబ్దుల్లా సలేం అల్-అలీ,  అమీరీ దివాన్ అండర్ సెక్రటరీ షేక్ అబ్దుల్ అజీజ్ మెషాల్ అల్-ముబారక్ అల్-సబాహ్ సమక్షంలో పునఃప్రారంభోత్సవ కార్యక్రమం ఘనంగా జరిగింది.

అక్టోబర్ 2016లో తొలిసారిగా ఈ కేంద్రాన్ని ప్రారంభించారు. కువైట్ ఒపెరా హౌస్‌గా ప్రసిద్ధి చెందిన ఈ సాంస్కృతిక సముదాయంలోని అద్భుతమైన ప్రధాన ఆకర్షణకు, ఫౌంటెన్ పునరాగమనం కొత్త శోభను చేకూర్చింది. రంగురంగుల లైటింగ్ ఎఫెక్ట్స్, లేజర్ షోలు, జాతీయ, అరబిక్, అంతర్జాతీయ బాణీలతో కూడిన సంగీత ప్రదర్శనల కారణంగా ఈ ఫౌంటెన్ చాలా కాలంగా సందర్శకులకు ఒక ప్రధాన ఆకర్షణగా నిలుస్తోంది.

ఆదివారం నుండి బుధవారం వరకు ఫౌంటెన్ సాయంత్రం 6 గంటల నుండి రాత్రి 11 గంటల వరకు పనిచేస్తుంది. గురువారం, శుక్రవారం, మరియు శనివారాలలో ప్రదర్శనలు రెండు విడతలుగా జరుగుతాయి. మధ్యాహ్నం 1 గంట నుండి 4 గంటల వరకు మరియు మళ్ళీ సాయంత్రం 6 గంటల నుండి రాత్రి 11 గంటల వరకు జరుగుతుంది.

ఈ ప్రాజెక్టును తిరిగి ప్రారంభించడానికి సహకరించిన అమీరీ దివాన్ సిబ్బందికి, సాంకేతిక మరియు ఇంజనీరింగ్ బృందాలకు మరియు అన్ని సంస్థలకు ఈ కేంద్రం కృతజ్ఞతలు తెలిపింది.