మస్కట్: అంతర్జాతీయ ఎవరెస్ట్ దినోత్సవాన్ని పురస్కరించుకుని, మస్కట్‌లోని ఖురుమ్ బీచ్‌లో పీస్ వాక్, బీచ్ క్లినింగ్ కార్యక్రమాన్ని నిర్వహించినట్లు మస్కట్‌లోని నేపాల్ రాయబార కార్యాలయం ప్రకటించింది. ఈ కార్యక్రమంలో ప్రవాస నేపాలీ సోషల్ క్లబ్/నేపాలీ సంస్థల ప్రతినిధులతోపాటు విదేశీ మిత్రులు పాల్గొన్నారని తెలిపింది. ఈ సందర్భంగా పాల్గొన్నవారికి రాయబారి దోర్నాథ్ ఆర్యల్ కృతజ్ఞతలు తెలిపారు. ప్రవాస నేపాలీలను ఏకతాటిపైకి తీసుకురావడంలో మరియు ఒమన్‌లోని నేపాలీ సమాజ ప్రతిష్టను పెంచడంలో ఇటువంటి కార్యక్రమాలు ప్రధాన పాత్ర పోషిస్తాయని పేర్కొన్నారు.
ఈ సంవత్సరం ఎవరెస్ట్ దినోత్సవం, నేపాల్ గణతంత్ర దినోత్సవం రెండు ఒకేరోజు రావడంపై హర్షం వ్యక్తం చేశారు. నేపాల్ గణతంత్ర దినోత్సవాన్ని పురస్కరించుకుని మస్కట్‌లోని నేపాల్ రాయబార కార్యాలయంలో ఒక ప్రత్యేక కార్యక్రమాన్ని కూడా నిర్వహించారు. ఈ కార్యక్రమంలో రాయబారి ఆర్యల్ నేపాల్ జాతీయ పతాకాన్ని ఎగురవేశారు. అనంతరం ఇ-మ్యూజియంను లాంఛనంగా ప్రారంభించారు. ఇ-మ్యూజియంలో అందుబాటులో ఉన్న పత్రాలను పరిశీలించి, తమ విలువైన అభిప్రాయాన్ని తెలియజేయాలని ఆయన  కోరారు.