మస్కట్: ఒమన్ తీరం వద్ద 14 మంది భారతీయ సిబ్బందితో ప్రయాణిస్తున్న'విరాట్ 1' అనే భారతీయ నౌక (mechanised sailing vessel) కనిపించకుండా పోయింది. ఈ ఘటనను పర్యవేక్షిస్తున్నట్లు ఒమన్‌లోని భారత రాయబార కార్యాలయం తెలిపింది. ఈ మేరకు సోషల్ మీడియాలో ఒక  ప్రకటన విడుదల చేసింది.

ఈ ఘటన గురించి తమకు సమాచారం అందిందని, ఒమన్ అధికారులు మరియు ఆ ప్రాంతంలో ఉన్న ఇతర నౌకల సహకారంతో గాలింపు మరియు సహాయక చర్యలను చేపట్టినట్టు రాయబార కార్యాలయం పేర్కొంది. నిరంతరం సంబంధిత అధికారులతో సంప్రదింపులు జరుపుతున్నామని, పరిణామాలను నిశితంగా పర్యవేక్షిస్తున్నట్లు రాయబార కార్యాలయం తెలిపింది.