కువైట్: వివిధ రకాల మాదక ద్రవ్యాలు, సైకోట్రోపిక్ డ్రగ్స్ మరియు అక్రమ డ్రగ్స్ తయారీ, ప్యాకేజింగ్‌లో ఉపయోగించే పరికరాలను కలిగి ఉన్న ఎనిమిది వేర్వేరు కేసుల్లో 14 మంది అనుమానితులను అరెస్టు చేసినట్లు కువైట్ అంతర్గత వ్యవహారాల మంత్రిత్వ శాఖ ప్రకటించింది.

మాదకద్రవ్యాలకు సంబంధించిన నేరాలను ఎదుర్కోవడానికి మరియు స్మగ్లర్లు, డీలర్లకు చెక్ పెట్టేందుకు క్రిమినల్ సెక్యూరిటీ సెక్టార్ చేపట్టిన ప్రయత్నాలలో భాగంగా ఈ అరెస్టులు జరిగాయని మంత్రిత్వ శాఖ తెలిపింది. ఈ ఆపరేషన్ల ఫలితంగా 1.425 కిలోగ్రాముల షాబు (మెథాంఫెటమైన్), 1.015 కిలోగ్రాముల హషీష్, 365 గ్రాముల గంజాయి మరియు మూడు గ్రాముల హెరాయిన్‌ను స్వాధీనం చేసుకున్నట్లు మంత్రిత్వ శాఖ తెలిపింది.

అధికారులు సింథటిక్ రసాయన మాదకద్రవ్యాలతో తడిపిన నాలుగు A4 సైజు షీట్లు, నియంత్రిత పదార్థమైన లైరికాకు చెందిన 80 క్యాప్సూల్స్, మూడు సైకోట్రోపిక్ పిల్స్, తయారీకి సంబంధించిన వివిధ పరికరాలను కూడా స్వాధీనం చేసుకున్నారు. నిందితులందరినీ చట్టపరమైన చర్యల కోసం సంబంధిత అధికారులకు అప్పగించినట్లు మంత్రిత్వ శాఖ వెల్లడించింది.