మస్కట్: సలాలాలో కాల్పుల ఘటన కలకలం సృష్టించింది. సోషల్ మీడియాలో విస్తృతంగా ప్రచారం అవుతున్న వైరల్ సమాచారంపై రాయల్ ఒమన్ పోలీసులు ఒక ప్రకటన విడుదల చేశారు.

ఈ ఘటన 2026 జూన్ 17న ( బుధవారం) సాయంత్రం జరిగింది. గతంలో ఉన్న విభేదాల కారణంగా ఇద్దరు ఒమన్ పౌరుల మధ్య తలెత్తిన వివాదమే ఈ కాల్పులకు దారితీసిందని, దీనివల్ల వారిద్దరూ గాయపడ్డారని పోలీసులు స్పష్టం చేశారు.

గాయపడిన ఇద్దరి పరిస్థితి నిలకడగా ఉందని, వారికి అవసరమైన వైద్య చికిత్స అందుతోందని తెలిపారు. అలాగే కాల్పుల ఘటనకు సంబంధించి కేసు నమోదు చేసి దర్యాప్తు జరుపుతున్నట్లు పోలీసులు పేర్కొన్నారు.