మస్కట్: ఒమన్ విదేశాంగ మంత్రి సయ్యద్ బదర్ బిన్ హమద్ అల్ బుసైదీ, జర్మనీ విదేశాంగ మంత్రి జోహన్ డేవిడ్ వాడేఫుల్‌తో టెలిఫోన్ ద్వారా ద్వైపాక్షిక సంబంధాలు మరియు ప్రాంతీయ పరిణామాలపై చర్చించారు. ఈ సందర్భంగా ఒమన్ మరియు జర్మనీల మధ్య వివిధ రంగాలలో ఉన్న సహకారాన్ని, స్నేహపూర్వక సంబంధాలను బలోపేతం చేయడానికి తమ అసక్తిని వ్యక్తపరిచారు. వీటితోపాటు తాజా ప్రాంతీయ, అంతర్జాతీయ పరిణామాలను కూడా సమీక్షించారు. అమెరికా, ఇరాన్‌ల మధ్య అవగాహన ఒప్పందంపై సంతకం చేయడాన్ని స్వాగతించారు. ఈ అవగాహన ఒప్పందం విజయవంతంగా అమలు కావడానికి జరుగుతున్న ప్రయత్నాలకు  మద్దతు తెలిపారు. హోర్ముజ్ జలసంధి గుండా సముద్రయాన స్వేచ్ఛ, భద్రతను కాపాడుతూ.. ప్రాంతీయ భద్రత, శాంతిని పెంపొందించే అంశాలకు తమ మద్దుతు ఉంటుందని స్పష్టం చేశారు.