కువైట్:  అల్-సల్మీ రోడ్డులోని అల్-నాయెమ్ స్క్రాప్ యార్డ్‌లో అగ్నిప్రమాదంపై అధికారికంగా ప్రకటన విడుదలైంది. స్క్రాప్ యార్డ్‌లో చెలరేగిన మంటలను అగ్నిమాపక సిబ్బంది విజయవంతంగా అదుపులోకి తెచ్చారని అధికారులు తెలిపారు. అల్-షకాయా, అల్-జహ్రా ఇండస్ట్రియల్, అల్-ఖైరవాన్ మరియు సపోర్ట్ సెంటర్ల నుండి నాలుగు అగ్నిమాపక బృందాలు ఈ ఘటనకు స్పందించి, మంటలను నియంత్రణలోకి తీసుకురావడానికి కృషి చేశాయని అధికారులు తెలిపారు. ఈ ఘటనలో ఎవరూ గాయపడలేదని అధికారులు వెల్లడించారు. అగ్నిప్రమాదానికి గల కారణం, ఆస్తి నష్టానికి సంబంధించి విచారణ జరుపుతున్నట్లు పేర్కొన్నారు.