స్వతంత్య్ర దినోత్సవ వేడుకల సందర్భంగా ప్రతి ఏటా ప్రధానమంత్రి దేశప్రజలను ఉద్దేశించి ఎర్రకోట నుంచి మాట్లాడతారనే విషయం తెలిసిందే. ఈ సారి స్వతంత్ర్య దినోత్సవ వేడుకల్లో ప్రధాన మంత్రి మాట్లాడాల్సిన విషయాలను ఆయనకు మీరే చెప్పొచ్చు. అవును. దీనిపై కొన్ని ప్రభుత్వ వెబ్ సైట్ల ద్వారా ప్రధానమంత్రి నరేంద్రమోదీ దేశపౌరుల సూచనలు కోరారు.
గతంలో ఏ ప్రధానమంత్రి చేయని విధంగా మోదీ స్వతంత్ర్య దినోత్స వ వేడుకల ప్రసంగంపై ప్రజలను సలహాలు ఇవ్వాలని కోరడంతో కొత్త ట్రెండ్ సృష్టించినట్లయింది. గత ఏడాది కూడా మోదీ ఇండిపెండెన్స్ డే సందర్భంగా ఇచ్చే స్పీచ్ పై ప్రజల సూచనలు కోరిన విషయం తెలిసిందే . మై గవ్ ప్లాట్ ద్వారా నరేంద్ర మోదీ సైట్ , మొబైల్ అప్లికేషన్స్ లో స్పీచ్ పై సూచనలు చేయోచ్చని రక్షణ శాఖ వెబ్ సైట్లో ఉంది . ప్రజలు పంపిన మెసేజ్ లు అన్నింటినీ మోదీనే స్వయంగా చదువుతారని పేర్కొంది . వాటిలో కొన్నింటిని సేకరించి స్పీచ్ లో భాగంగా ఉపయోగిస్తారని తెలిపింది .