మధ్య భారతదేశంలో తదుపరి ప్రధాన విమానయాన కేంద్రాన్ని అభివృద్ధి చేయాలనే నిబద్ధతను మరోసారి చాటిన జీఎంఆర్ ఎయిర్‌పోర్ట్స్

న్యూఢిల్లీ/హైదరాబాద్: జీఎంఆర్ ఎయిర్‌పోర్ట్స్ లిమిటెడ్ (GMR AERO) భారత విమానయాన మౌలిక సదుపాయాల రంగంలో తన నాయకత్వ స్థానాన్ని మరింత బలోపేతం చేసుకుంటూ, డాక్టర్ బాబాసాహెబ్ అంబేద్కర్ అంతర్జాతీయ విమానాశ్రయం, నాగ్‌పూర్‌ను తన విస్తరిస్తున్న విమానాశ్రయాల పోర్ట్‌ఫోలియోలో చేర్చుకుంది. 2026 జూన్ 25న కార్యకలాపాల అధికారిక బాధ్యతలను స్వీకరించడం ద్వారా, మెరుగైన అనుసంధానం, ఆర్థికాభివృద్ధి మరియు అత్యుత్తమ ప్రయాణికుల అనుభవాన్ని అందించే ప్రపంచ స్థాయి విమానాశ్రయాల అభివృద్ధిలో జీఎంఆర్ మరో కీలక మైలురాయిని చేరుకుంది.

నాగ్‌పూర్ విమానాశ్రయం చేరికతో, జీఎంఆర్ ఎయిర్‌పోర్ట్స్ ఇప్పుడు భారతదేశంలో అత్యంత వైవిధ్యభరితమైన విమానాశ్రయాల పోర్ట్‌ఫోలియోను కలిగి ఉంది. ఇందులో దేశంలోని ప్రముఖ గేట్‌వే విమానాశ్రయాలు, వేగంగా అభివృద్ధి చెందుతున్న ప్రాంతీయ విమానాశ్రయాలు, అలాగే విదేశాల్లోని అంతర్జాతీయ విమానాశ్రయాలు ఉన్నాయి.ఈ చేరిక ద్వారా విమానాశ్రయాలను ప్రాంతీయ అభివృద్ధి మరియు ఆర్థిక పురోగతికి కేంద్రాలుగా మార్చడంలో జీఎంఆర్‌కు ఉన్న నైపుణ్యం మరోసారి రుజువైంది.

ప్రస్తుతం జీఎంఆర్ ఏరో నిర్వహణలో లేదా అభివృద్ధిలో మొత్తం తొమ్మిది విమానాశ్రయాలు ఉన్నాయి. ఢిల్లీ, హైదరాబాద్, గోవా (మోపా), నాగ్‌పూర్, బీదర్, ఇండోనేషియాలోని మెడాన్ విమానాశ్రయాలను నిర్వహిస్తుండగా, ఫిలిప్పీన్స్‌లోని మాక్టాన్ సెబూ విమానాశ్రయానికి సాంకేతిక సహాయాన్ని అందిస్తోంది. అలాగే ఆంధ్రప్రదేశ్‌లోని భోగాపురం మరియు గ్రీస్‌లోని క్రీట్‌లో రెండు గ్రీన్‌ఫీల్డ్ విమానాశ్రయాలను అభివృద్ధి చేస్తోంది.

భారతదేశ భౌగోళిక కేంద్రంలో వ్యూహాత్మకంగా ఉన్న నాగ్‌పూర్, ప్రధాన విమానయాన, లాజిస్టిక్స్ మరియు కార్గో కేంద్రంగా ఎదిగే సామర్థ్యాన్ని కలిగి ఉంది. 30 సంవత్సరాల కన్సెషన్ ఒప్పందం కింద, జీఎంఆర్ నాగ్‌పూర్ ఇంటర్నేషనల్ ఎయిర్‌పోర్ట్ లిమిటెడ్ (GNIAL) దశలవారీ ఆధునికీకరణ మరియు విస్తరణ కార్యక్రమాన్ని చేపట్టనుంది. ఇందులో ఆధునిక సమగ్ర టెర్మినల్ నిర్మాణం, ఎయిర్‌సైడ్ మౌలిక సదుపాయాల విస్తరణ, మెరుగైన కార్గో సదుపాయాలు, డిజిటల్ సాంకేతికతలు మరియు సస్టెయినబిలిటీ ఆధారిత కార్యక్రమాలు ఉంటాయి. దీర్ఘకాలంలో సంవత్సరానికి 30 మిలియన్ మంది ప్రయాణికులకు సేవలందించే సామర్థ్యంతో భవిష్యత్ అవసరాలకు అనుగుణమైన విమానయాన వ్యవస్థను అభివృద్ధి చేయడం లక్ష్యంగా ఉంది.

ఈ అభివృద్ధి భారత ప్రభుత్వ ప్రాంతీయ అనుసంధానాన్ని బలోపేతం చేయాలనే దృష్టికి అనుగుణంగా ఉంది. అలాగే నాగ్‌పూర్‌ను మధ్య భారతదేశానికి హబ్-అండ్-స్పోక్ విమానయాన నెట్‌వర్క్ కేంద్రంగా తీర్చిదిద్దే లక్ష్యానికి తోడ్పడుతుంది. కేంద్ర పౌర విమానయాన శాఖ మంత్రి శ్రీ కె. రామ్ మోహన్ నాయుడు పేర్కొన్నట్లుగా, నాగ్‌పూర్‌కు ఉన్న భౌగోళిక ప్రయోజనం వల్ల ఇది దేశీయ, అంతర్జాతీయ ట్రాన్స్‌ఫర్ హబ్‌గా అభివృద్ధి చెందే అవకాశం ఉంది. దీనివల్ల దేశవ్యాప్తంగా మెరుగైన అనుసంధానం, కార్గో రవాణా, లాజిస్టిక్స్, మెయింటెనెన్స్, రిపేర్ అండ్ ఓవర్‌హాల్ (MRO), వాణిజ్యం మరియు పారిశ్రామిక అభివృద్ధికి ఊతం లభిస్తుంది.

ఈ సందర్భంగా జీఎంఆర్ ఎయిర్‌పోర్ట్స్ చైర్మన్ జీ.బీ.ఎస్.రాజు మాట్లాడుతూ, “నాగ్‌పూర్ విమానాశ్రయం బాధ్యతల స్వీకరణ, దీనిని ప్రపంచ స్థాయి విమానయాన కేంద్రంగా తీర్చిదిద్దే ప్రయాణంలో ఒక ముఖ్యమైన మైలురాయి. జీఎంఆర్ ఎయిర్‌పోర్ట్స్ లిమిటెడ్ అనుభవం మరియు వ్యూహాత్మక దృష్టితో నాగ్‌పూర్ విమానాశ్రయాన్ని దశలవారీగా అభివృద్ధి చేస్తాము. మొదటి దశలో సంవత్సరానికి 30 లక్షల మంది ప్రయాణికులకు సేవలందించేలా ప్రయాణికుల టెర్మినల్‌ను విస్తరించి, మరింత సౌకర్యవంతమైన మరియు అంతరాయం లేని ప్రయాణ అనుభవాన్ని అందిస్తాము. తదుపరి దశల్లో సంవత్సరానికి 30 మిలియన్ మంది ప్రయాణికులకు సేవలందించే సామర్థ్యాన్ని అభివృద్ధి చేయడంతో పాటు కొత్త ఎయిర్ ట్రాఫిక్ కంట్రోల్ (ATC) టవర్ సహా సమగ్ర ఎయిర్‌సైడ్ మౌలిక సదుపాయాలను ఏర్పాటు చేస్తాము. అదనంగా, సంవత్సరానికి 20,000 మెట్రిక్ టన్నుల సామర్థ్యంతో అత్యాధునిక కార్గో సదుపాయాన్ని ఏర్పాటు చేసి, నాగ్‌పూర్‌ను మధ్య భారతదేశానికి కీలక లాజిస్టిక్స్ కేంద్రంగా తీర్చిదిద్దుతాము. ఈ అభివృద్ధి కార్యక్రమాలన్నీ ప్రాంతీయ అనుసంధానాన్ని బలోపేతం చేయడం, ఆర్థికాభివృద్ధికి ఊతమివ్వడం, సస్టెయినబిలిటీ మరియు కార్యనిర్వహణలో అత్యుత్తమ ప్రమాణాలను పాటించడం అనే భారతదేశ దృష్టికి అనుగుణంగా ఉంటాయి” అని తెలిపారు.

నాగ్‌పూర్ విమానాశ్రయ ఆధునికీకరణ ద్వారా దేశీయ, అంతర్జాతీయ అనుసంధానం మరింత బలోపేతం కావడంతో పాటు పర్యాటకం, పెట్టుబడులు, ప్రత్యక్ష మరియు పరోక్ష ఉపాధి అవకాశాలు గణనీయంగా పెరిగే అవకాశం ఉంది. అలాగే ఈ విమానాశ్రయం ప్రాంతాన్ని బహుముఖ లాజిస్టిక్స్ మరియు పారిశ్రామిక కేంద్రంగా అభివృద్ధి చేయడంలో కీలక పాత్ర పోషించనుంది.

ప్రపంచ ప్రమాణాలకు అనుగుణమైన విమానాశ్రయాల అభివృద్ధి మరియు నిర్వహణలో విశిష్ట అనుభవం కలిగిన జీఎంఆర్ ఎయిర్‌పోర్ట్స్, కార్యనిర్వహణలో అత్యుత్తమత, సస్టెయినబిలిటీ, ఆవిష్కరణలు మరియు ప్రయాణికుల కేంద్రిత మౌలిక సదుపాయాల అభివృద్ధికి కట్టుబడి ఉంది. నాగ్‌పూర్ విమానాశ్రయం చేరికతో దేశంలో ప్రముఖ ప్రైవేట్ విమానాశ్రయ నిర్వహణ సంస్థగా జీఎంఆర్ స్థానం మరింత బలోపేతం కావడంతో పాటు, భారత విమానయాన రంగ అభివృద్ధికి తన నిబద్ధతను మరోసారి చాటుకుంది.