మస్కట్: ఒమన్‌లోని దక్షిణ అల్ బతినా గవర్నరేట్ పరిధిలోని బర్కా విలాయత్ ‌లో విద్యుత్ కేబుళ్లను దొంగిలించిన కేసులో నలుగురిని పోలీసులు అరెస్టు చేశారు. ఈ మేరకు రాయల్ ఒమాన్ పోలీస్‌కు చెందిన క్రిమినల్ ఇన్వెస్టిగేషన్ జనరల్ డైరెక్టరేట్ వెల్లడించింది. బర్కాలోని ఓ విద్యుత్ పంపిణీ కేంద్రం నుంచి విద్యుత్ కేబుళ్లను దొంగిలించిన ఘటనపై దర్యాప్తు చేపట్టగా నలుగురు అనుమానితులను అదుపులోకి తీసుకున్నట్లు పేర్కొంది.

దక్షిణ అల్ బతినా గవర్నరేట్‌లోని పలు ప్రాంతాల్లో జరిగిన మరో ఐదు విద్యుత్ కేబుళ్ల చోరీ ఘటనల్లో కూడా వీరి ప్రమేయం ఉన్నట్లు గుర్తించినట్లు అధికారులు తెలిపారు. నిందితులపై చట్టపరమైన చర్యలు కొనసాగుతున్నట్లు పోలీసులు తెలిపారు.