మస్కట్: ఒమన్‌లోని ధోఫార్ గవర్నరేట్‌కు చెందిన సలాలా నగరానికి దక్షిణంగా అరేబియా సముద్రంలో 4.9 తీవ్రతతో మోస్తరు భూకంపం నమోదైంది. గురువారం సాయంత్రం 4:01 గంటలకు భూకంపం సంభవించినట్లు సుల్తాన్ ఖాబూస్ యూనివర్సిటీ భూకంప పర్యవేక్షణ కేంద్రం వెల్లడించింది. భూకంప కేంద్రం సలాలాకు సుమారు 239 కిలోమీటర్ల దూరంలో సముద్రంలో ఉన్నట్లు అధికారులు తెలిపారు. ఈ ఘటనలో ఇప్పటివరకు ఎలాంటి ప్రాణనష్టం లేదా ఆస్తినష్టం సంభవించినట్లు సమాచారం లేదని పేర్కొన్నారు. భూకంప ప్రభావం జనావాస ప్రాంతాలపై పడలేదని అధికారులు స్పష్టం చేశారు. భూకంప పరిస్థితులను నిరంతరం పర్యవేక్షిస్తున్నామని, ప్రజలు అధికారిక వర్గాల నుంచి వచ్చే సమాచారాన్నే విశ్వసించాలని అధికారులు సూచించారు