కువైట్ సిటీ: కువైట్‌ను లక్ష్యంగా చేసుకుని జరిగిన క్షిపణి, డ్రోన్ దాడులను దేశ గగనతల రక్షణ వ్యవస్థలు సమర్థవంతంగా ఎదుర్కొంటున్నట్లు కువైట్ సైన్యం ఆదివారం ప్రకటించింది.

ఈ మేరకు విడుదల చేసిన అధికారిక ప్రకటనలో, దేశవ్యాప్తంగా వినిపిస్తున్న పేలుళ్ల శబ్దాలు శత్రు క్షిపణులు, డ్రోన్లను గగనతల రక్షణ వ్యవస్థలు అడ్డుకుని ధ్వంసం చేస్తున్న సమయంలో ఏర్పడుతున్నవేనని స్పష్టం చేసింది.

ప్రజలు ఎలాంటి ఆందోళనకు గురికాకుండా, సంబంధిత అధికార యంత్రాంగం జారీ చేస్తున్న భద్రతా, రక్షణ సూచనలను తప్పనిసరిగా పాటించాలని సైన్యం విజ్ఞప్తి చేసింది.

ప్రస్తుత పరిస్థితులను అధికారులు నిరంతరం పర్యవేక్షిస్తున్నారని, దేశ భద్రతను కాపాడేందుకు అవసరమైన అన్ని చర్యలు చేపడుతున్నట్లు వెల్లడించారు. అత్యవసర పరిస్థితుల్లో అధికారిక సమాచారాన్ని మాత్రమే విశ్వసించాలని, వదంతులను నమ్మవద్దని ప్రజలకు సూచించారు.