యు.ఏ.ఈ లో పాస్‌పోర్ట్ రిన్యూ చేయించుకోడానికి ఎంత సమయం పడుతుంది? నెలలా?వారాలా?రోజులా? గంటలా? లేదా నిముషాలా? ఏంటీ, పాస్ పోర్ట్ నిముషాలలో దొరకడమా అని తెగ ఆశ్చర్యపోకండి. ఇది నిజమే, సాధ్యమే. యు.ఏ.ఈ లో పాస్ పోర్టులను జారీచేయడంలో ఆయా కాన్సులర్ సర్వీసుల వారి పనితీరును అంచనా వేయడానికి ఏర్పాటుచేసిన 24 మిషన్ లలో ఇటాలియన్ కాన్సులేట్ వారు కేవలం 20 నిముషాలలో రొసెట్టా వాలెన్జీసీ అనే మహిళకు 20 నిముషాలకంటే తక్కువ వ్యవధిలోనే పాస్‌పోర్టు జారీ చేశారు! ఈ విషయమై ఇటాలియన్ కౌన్సిల్ జనరల్ గియోవాన్ని ఫావిల్లి మాట్లాడుతూ, సెక్యూరిటీ విషయంలో ఏమాత్రం రాజీపడకుండానే ప్రజలకు అతితక్కువ సమయంలో సేవలనందించేలా తమ పనితీరును మలచుకున్నామని వివరించారు.

--సి.శ్రీ(దుబాయ్)