కువైట్ సిటీ: కువైట్ ఎయిర్‌వేస్ విమానాలను రద్దు చేసిందంటూ సోషల్ మీడియాలో ప్రచారంలో ఉన్న వార్తలను సంస్థ ఖండించింది. అలాంటి కథనాల్లో ఎలాంటి నిజం లేదని స్పష్టం చేస్తూ, తమ అన్ని విమాన సర్వీసులు నిర్ణీత షెడ్యూల్ ప్రకారమే సాధారణంగా కొనసాగుతున్నాయని తెలిపింది.

ఈ మేరకు విడుదల చేసిన అధికారిక ప్రకటనలో, ప్రస్తుతం ఎలాంటి అంతరాయం లేకుండా అన్ని విమానాలు యథావిధిగా నడుస్తున్నాయని కువైట్ ఎయిర్‌వేస్ వెల్లడించింది.

సోషల్ మీడియాలో ప్రచారంలో ఉన్న నిర్ధారణ లేని వార్తలు, పుకార్లను నమ్మవద్దని ప్రయాణికులకు సూచించింది. ప్రయాణాలకు సంబంధించిన తాజా సమాచారం కోసం కేవలం కువైట్ ఎయిర్‌వేస్ అధికారిక ప్రకటనలు, అధికారిక కమ్యూనికేషన్ మార్గాలనే అనుసరించాలని విజ్ఞప్తి చేసింది.

అధికారిక సమాచారం ఆధారంగానే ప్రయాణ ప్రణాళికలు రూపొందించుకోవాలని, సోషల్ మీడియాలో వచ్చే అసత్య ప్రచారాలను పట్టించుకోవద్దని కువైట్ ఎయిర్‌వేస్ మరోసారి స్పష్టం చేసింది.