'హైపర్‌ యాక్టివ్‌ ఉన్న ఒక కుర్రాడు మన ఇంట్లో ఉంటే ఎలా ఉంటుందో తెలియాలంటే 'హైపర్‌' సినిమా చూడాల్సిందే' అని అంటున్నారు దర్శకుడు సంతోష్‌ శ్రీనివాస్‌. రామ్‌, రాశిఖన్నా జంటగా సంతోష్‌ శ్రీనివాస్‌ దర్శకత్వంలో 14 రీల్స్‌ ఎంటర్‌టైన్‌మెంట్‌ పతాకంపై రామ్‌ ఆచంట, గోపీచంద్‌ ఆచంట, అనీల్‌ సుంకర నిర్మిస్తున్న చిత్రం 'హైపర్‌' (ప్రతి ఇంట్లో ఒకడుంటాడు). వైజాగ్‌లో శరవేగంగా చిత్రీకరణ జరుపుకుంటున్న ఈ చిత్రం గురించి నిర్మాతలు మాట్లాడుతూ,'రామ్‌, సంతోష్‌ శ్రీన్‌వాస్‌ కాంబినేషన్‌లో పవర్‌ఫుల్‌ యాక్షన్‌ ఎంటర్‌టైనర్‌గా ఈ చిత్రాన్ని రూపొందిస్తున్నాం. ప్రస్తుతం వైజాగ్‌లో జరుగుతున్న షెడ్యూల్‌తో టాకీపార్ట్‌ మొత్తం పూర్తవుతుంది. సెప్టెంబర్‌ 9కి పాటల చిత్రీకరణ కూడా పూర్తవుతుంది. సెప్టెంబర్‌ రెండోవారంలో ఆడియో రిలీజ్‌ చేసి, సెప్టెంబర్‌ 30న దసరా కానుకగా ప్రపంచ వ్యాప్తంగా ఈ చిత్రాన్ని విడుదల చేస్తున్నాం' అని అన్నారు.