మస్కట్: ఒమన్‌లోని ధోఫార్ గవర్నరేట్‌లో విషాద ఘటన చోటుచేసుకుంది. పారాగ్లైడింగ్ చేస్తుండగా ప్రమాదవశాత్తు కిందపడటంతో అన్నాచెల్లెలు మృతి చెందారు.

మృతులను కెప్టెన్ అహ్మద్ బిన్ హమ్దాన్ అల్ కల్బానీ, ఆయన సోదరిగా గుర్తించారు. సలాలాలో ఈ ప్రమాదం జరిగినట్లు ఒమన్ ఎయిర్ స్పోర్ట్స్ కమిటీ (OASC) వెల్లడించింది.

ఈ ఘటనపై OASC తీవ్ర విచారం వ్యక్తం చేసింది. కెప్టెన్ అహ్మద్ బిన్ హమ్దాన్ అల్ కల్బానీ, ఆయన సోదరి మృతికి సంతాపం తెలిపింది. వారి ఆత్మలకు శాంతి చేకూరాలని, మృతుల కుటుంబ సభ్యులకు ఈ విషాదాన్ని తట్టుకునే ధైర్యం, సహనం ప్రసాదించాలని ప్రార్థించింది.