కావలసిన పదార్ధాలు:

• కాప్సికం - 2
• ధనియాలు - 2 టేబుల్ స్పూన్లు
• జీలకర్ర  - 1 టేబుల్ స్పూను
• ఉప్పు - తగినంత
• ఎండు మిరపకాయలు - 5 (మీ టేస్ట్ కి సరిపడా)
• ఆయిల్ - 5 టేబుల్ స్పూన్లు
• చింతపండు - పెద్ద ఉసిరికాయ సైజు
• బెల్లం - 1 ఇంచ్ (ఆప్షనల్ )

చేయు విధానం:

• ముందుగా ఒక బాండీలో 2 టేబుల్ స్పూన్ల ఆయిల్ తీసుకొని అందులో ధనియాలు, జీలకర్ర, ఎండు మిరపకాయలు, చింతపండు వేసి కాస్త దోరగా వేయించి పక్కనపెట్టుకోవాలి.
• అదే బాండీలో మరో 3 టేబుల్ స్పూన్ల ఆయిల్ వేసి కాప్సికం ముక్కలను రంగు మారేదాకా వేయించాలి.
• ఇప్పుడు ఈ కాప్సికం ముక్కలను, ఉప్పు మరియు పైన వేయించి పెట్టుకున్న దినుసులను మిక్సీ లో చట్నీ పట్టుకోవాలి. (మిక్సీ లో తీపి ఇష్టపడేవారు చిన్న బెల్లం ముక్క వేసుకోవచ్చు) అంతే కాప్సికం చట్నీ రెడీ.
• ఈ చట్నీ అన్నంతో అయినా రోటీతో అయినా బాగుంటుంది.

---- మోహన మాధురి మల్ల, దుబాయ్, యు ఏ యీ.