యూఏఈలో ఉబెర్‌ క్యాబ్‌ వినియోగదారులకోసం క్యాష్‌ పేమెంట్‌ ఆప్షన్‌ని అందుబాటులోకి తీసుకొచ్చారు. 2013లో ఉబెర్‌ క్యాబ్‌ సర్వీసుల్ని యూఏఈలో ప్రారంభించినప్పుడు కేవలం క్రెడిట్‌ కార్డ్‌ చెల్లింపులకు మాత్రమే అనుమతిచ్చామనీ, వినియోగదారుల నుంచి వచ్చిన ఫీడ్‌ బ్యాక్‌ నేపథ్యంలో క్యాష్‌ పేమెంట్‌కి మార్గం సుగమం చేశామని యూఏఈ ఉబెర్‌ జనరల్‌ మేనేజర్‌ క్రిస్‌ ఫ్రీ తెలిపారు. ఉబెర్‌ కార్‌ యాప్‌తో వినియోగదారులకు ఉబెర్‌ కార్‌ డ్రైవ్‌ మరింత సంతోషాన్ని మిగుల్చుతుందని ఆయన చెప్పారు. దుబాయ్‌ మరియు అబుదాబీలో క్యాష్‌ ఆప్షన్‌ ఇంకా టెస్టింగ్‌లో ఉంది. ఇండియాలో గత ఏడాదే క్యాష్‌ పేమెంట్‌ ఆప్షన్‌ని అందుబాటులోకి తెచ్చింది ఉబెర్‌. క్యాష్‌ పేమెంట్‌ ఆప్షన్‌ అందుబాటులో ఉన్న ఏడో దేశంగా యూఏఈ నిలిచినట్లు ఉబెర్‌ వర్గాలు వెల్లడించాయి.