మస్కట్: ఒమన్‌లో భారీగా మాదకద్రవ్యాలను అధికారులు స్వాధీనం చేసుకున్నారు. ధోఫార్ గవర్నరేట్ పోలీసుల సహకారంతో డైరెక్టరేట్ జనరల్ ఫర్ నార్కోటిక్స్ అండ్ సైకోట్రోపిక్ సబ్‌స్టాన్సెస్ కంట్రోల్ నిర్వహించిన ప్రత్యేక ఆపరేషన్‌లో 3,000 కిలోలకు పైగా మాదకద్రవ్యాలను పట్టుకున్నారు.

ఈ కేసుకు సంబంధించి ఇద్దరు యెమెన్ జాతీయులను అరెస్టు చేసినట్లు అధికారులు వెల్లడించారు. మాదకద్రవ్యాల అక్రమ రవాణా, వినియోగానికి సంబంధించిన ఆరోపణలపై వారిని అదుపులోకి తీసుకున్నట్లు తెలిపారు.

భారీ మొత్తంలో మాదకద్రవ్యాలను స్వాధీనం చేసుకున్న అనంతరం నిర్వహించిన ఆపరేషన్‌లో నిందితులను అరెస్టు చేసినట్లు అధికారులు పేర్కొన్నారు.

అరెస్టయిన ఇద్దరిపై ఒమన్ చట్టాల ప్రకారం చట్టపరమైన చర్యలు కొనసాగుతున్నాయని సంబంధిత అధికారులు వెల్లడించారు.