అబుదాబి: అల్‌ మెన్‌హాద్‌ ఎయిర్‌బేస్‌పై క్షిపణులతో దాడి జరిగినట్లు మీడియాలో వస్తున్న వార్తలను యూఏఈ రక్షణ మంత్రిత్వ శాఖ ఖండించింది. ఆ వార్తలు పూర్తిగా అవాస్తవమని స్పష్టం చేసింది.

ఎలాంటి ముప్పు ఎదురైనా సమర్థంగా స్పందించేందుకు యూఏఈ సాయుధ దళాలు అత్యంత అప్రమత్త స్థితిలో ఉన్నాయని మంత్రిత్వ శాఖ తెలిపింది. దేశ సార్వభౌమత్వం, భద్రత, స్థిరత్వాన్ని కాపాడే విధంగా అవసరమైన చర్యలు తీసుకునేందుకు సాయుధ దళాలు సిద్ధంగా ఉన్నాయని పేర్కొంది.

ప్రజలు సమాచారాన్ని తెలుసుకునేందుకు అధికారిక వర్గాలపై మాత్రమే ఆధారపడాలని రక్షణ మంత్రిత్వ శాఖ సూచించింది. పుకార్లు, నిర్ధారణ కాని లేదా తప్పుడు సమాచారాన్ని సోషల్‌ మీడియా సహా ఇతర మార్గాల్లో ప్రచారం చేయవద్దని ప్రజలను కోరింది.