అరబ్‌దేశాల్లో ఉద్యోగాల కోసం వెళ్లిన ఎంతో మంది వివిధ రకాలుగా ఇబ్బందులు పడుతున్న నేపథ్యంలో అలాంటి సంఘటనలు పునరావృతం కాకుండా ఉండేందుకు జోఈజీ సొ ల్యూషన్‌ సంస్థ ప్రత్యేక యాప్‌ను అందుబాటులోకి తీసుకొచ్చింది. సోమాజిగూడలోని హైదరాబాద్‌ ప్రెస్‌క్లబ్‌లో శనివారం ఏర్పాటు చేసిన స మావేశంలో జోఈజీ సొల్యూషన్స్‌ ప్రతినిధి స్పంద న, ఐడీయన్‌ వెంచర్స్‌ వైస్‌ ప్రెసిడెంట్‌ అశోక్‌ వర్దన్‌ కలిసి వివరాలు వెల్లడించారు. ఐడీయన్‌ వెంచర్స్‌ సహాయ సహకారాలతో ఈ యాప్‌ను అం దుబాటులోకి తీసుకొస్తున్నట్లు స్పందన తెలిపారు. స్కిల్డ్‌, అన్‌ స్కిల్డ్‌ ఉద్యోగాలతో పాటు ఇండ్లలో పని మనుషులు, డ్రైవర్లు లాంటి ఉద్యోగులను కూడా ఈ యాప్‌ ద్వారా యజమానులు ఎంచు కోవచ్చని చెప్పారు.యాప్‌లో సంబంధిత వ్యక్తుల పూర్తి వివరాలను అందుబాటులో ఉంచుతామని, ఎవరి సేవలైతే తమకు అవసరమో యజమాను లే వారి వివరాలను తెలుసుకోవచ్చని వివరించా రు. యజమానులకు, నిరుద్యోగులకు మధ్య ఈ యాప్‌ వారధిగా పని చేస్తుందన్నారు. ఆయా దేశాల్లోని ఎంబసీలతో కలిసి పనిచేస్తామన్నారు. త్వరలోనే ఈ యాప్‌ను అధికారికంగా ప్రారంభించనున్నట్లు తెలిపారు.జోఈజీ సొల్యూషన్‌ స్టార్ట ప్‌ను లక్షా యాభై వేల డాలర్ల ఫండ్‌ కింద పెట్టామని అశోక్‌ వర్దన్‌ తెలిపారు.