కువైట్: వాహనదారులకు కువైట్ పబ్లిక్ వర్క్స్ మంత్రిత్వ శాఖ కీలక ప్రకటన చేసింది. యార్మౌక్ ప్రాంతానికి ఎదురుగా ఉన్న ఫోర్త్ రింగ్ రోడ్‌ను సెప్టెంబర్ 16( బుధవారం) తెల్లవారుజామున వాహనాల రాకపోకలకు తెరవనున్నట్లు వెల్లడించింది.

అయితే ఫోర్త్ రింగ్ రోడ్.. కింగ్ ఫైసల్ రోడ్‌ను కలిసే ప్రాంతంలోని ఓవర్‌పాస్ మాత్రం రోడ్డు పనుల్లో భాగంగా మూసివేసే ఉంటుందని మంత్రిత్వ శాఖ తెలిపింది.

ఫోర్త్ రింగ్ రోడ్‌ను తిరిగి తెరవడం వల్ల ఈ మార్గంలో ట్రాఫిక్ రద్దీ కొంతమేర తగ్గి, వాహనాల రాకపోకలు మరింత సులభతరం అవుతాయని అధికారులు భావిస్తున్నారు.

అదే సమయంలో రోడ్డు పనులు కొనసాగుతున్నందున వాహనదారులు ట్రాఫిక్ మళ్లింపులు, రోడ్డు సూచికలను తప్పనిసరిగా పాటించాలని అధికారులు సూచించారు.