గ్యాంగ్ స్టర్ నయీమ్ లైఫ్ స్టోరీని సినిమాగా తీస్తానని ప్రకటించాడు డైరెక్టర్ ఆర్జీవీ. మొత్తం మూడు పార్టులుగా సినిమా ఉంటుందని ట్వీట్ చేశాడు. రక్తచరిత్ర కేవలం రెండు భాగాలు మాత్రమేనని.. ఇది మూడు పార్టులైతే కానీ పూర్తి విషయాన్ని చెప్పలేమని.. నయీమ్ జీవితంలో అంత విషయముందన్నాడు. నక్సలైట్ నుంచి పోలీస్ ఇన్ఫార్మర్ గా.. ఆపై గ్యాంగ్ స్టర్ గా నయీముద్దీన్ ఎదిగిన తీరు భయకంపితులను చేస్తోందన్నాడు. సమాచారం సేకరించే కొద్దీ రోమాలు నిక్కబొడుచుకుంటున్నాయన్నాడు.