కువైట్: మనీ లాండరింగ్ కేసులో ఎనిమిది మంది ప్రవాసులకు కువైట్ స్టేట్ సెక్యూరిటీ డిపార్ట్‌మెంట్‌కు చెందిన క్రిమినల్ కోర్టు 10 ఏళ్ల కఠిన కారాగార శిక్ష విధించింది. అలాగే మొత్తం 18 మిలియన్ కువైట్ దినార్ల (KD) జరిమానా చెల్లించాలని ఆదేశించింది. ఈ కేసులో ప్రమేయం ఉన్న రెండు వాణిజ్య సంస్థలకు కూడా కోర్టు 9 మిలియన్ కువైట్ దినార్ల జరిమానా విధించింది. అంతేకాకుండా ఆ రెండు సంస్థలను శాశ్వతంగా మూసివేయాలని ఆదేశించింది.

జడ్జి నాసర్ అల్-బదర్ నేతృత్వంలోని ధర్మాసనం ఈ తీర్పును వెలువరించింది. జడ్జిలు ఒమర్ అల్-ములైఫీ, అబ్దుల్లా అల్-ఫలేహ్, సలేం అల్-జాయెద్ ధర్మాసనంలో సభ్యులుగా ఉన్నారు. మనీ లాండరింగ్‌కు సంబంధించిన ఈ కేసులో కోర్టు విచారణ అనంతరం ఈ శిక్షలు, జరిమానాలు విధించినట్లు అధికారులు వెల్లడించారు.