కువైట్ : కువైట్ ఇంటర్నేషనల్ ఎయిర్‌పోర్ట్‌లో ట్రాన్సిట్ కార్యకలాపాలు తిరిగి ప్రారంభమయ్యాయంటూ వస్తున్న వార్తలను జనరల్ డైరెక్టరేట్ ఆఫ్ సివిల్ ఏవియేషన్ (DGCA) ఖండించింది. ట్రాన్సిట్ కార్యకలాపాలపై ప్రస్తుతం అమల్లో ఉన్న నిలిపివేత నిర్ణయం తదుపరి ప్రకటన వెలువడే వరకు కొనసాగుతుందని స్పష్టం చేసింది.
ట్రాన్సిట్ కార్యకలాపాలను తిరిగి ప్రారంభించడం లేదా పునరుద్ధరించడంపై ఏ విమానయాన సంస్థతోనూ తమ సంస్థ చర్చలు జరపలేదని DGCA అధికార ప్రతినిధి అబ్దుల్లా అల్-రజ్హీ  తెలిపారు.మిడిలీస్టులో ప్రాంతంలో దాడులు ప్రారంభమైనప్పటి నుంచి అమల్లో ఉన్న నిర్ణయాలు, ఆదేశాలు ఇప్పటికీ కొనసాగుతున్నాయని ఆయన పేర్కొన్నారు.

ప్రస్తుత ప్రాంతీయ పరిణామాలు, భద్రతా పరిస్థితుల నేపథ్యంలో ప్రయాణికులు, విమానాలు, విమానాశ్రయాల భద్రతకు అత్యున్నత ప్రాధాన్యత ఇవ్వాలనే ఉద్దేశంతో ముందస్తు జాగ్రత్త చర్యగా ట్రాన్సిట్ కార్యకలాపాలను నిలిపివేసినట్లు అల్-రజ్హీ వివరించారు.ట్రాన్సిట్ కార్యకలాపాల పునఃప్రారంభంపై అధికారిక ప్రకటన వచ్చే వరకు ప్రయాణికులు, విమానయాన సంస్థలు ప్రస్తుత నిబంధనలనే అనుసరించాలని DGCA స్పష్టం చేసింది.