న్యూఢిల్లీ: ఫ్లై దుబాయ్ పైలట్ కెప్టెన్ స్మిత్ మచ్చర్ ధైర్యసాహసాలను బీజేపీ నేత కౌసర్ జహాన్ ప్రశంసించారు. ఆయన ప్రాణాలకు తెగించి పలువురి ప్రాణాలను కాపాడిన తీరును ప్రపంచవ్యాప్తంగా అభినందిస్తున్నారని పేర్కొన్నారు.

కౌసర్ జహాన్ మాట్లాడుతూ.. “భారత్ గర్వపడేలా చేసే ప్రతి సందర్భాన్ని మేము స్వాగతించి, అభినందిస్తాం. ప్రధాని నరేంద్ర మోదీ కూడా కెప్టెన్ స్మిత్ మచ్చర్‌తో మాట్లాడారు. ఆయన చూపిన ధైర్యాన్ని ప్రపంచవ్యాప్తంగా ప్రశంసిస్తున్నారు. ముఖ్యంగా ఎంతోమంది ప్రాణాలను కాపాడిన తీరు అభినందనీయం” అని అన్నారు.

అయితే ఈ విషయంలో కాంగ్రెస్ పార్టీకి అభ్యంతరం ఏమిటో తనకు అర్థం కావడం లేదని కౌసర్ జహాన్ వ్యాఖ్యానించారు. కాంగ్రెస్ పార్టీ ఎప్పుడూ “జాతి వ్యతిరేకుల పక్షాన నిలబడటానికే ప్రాధాన్యత ఇస్తుంది” అంటూ ఆమె విమర్శలు చేశారు.

కెప్టెన్ స్మిత్ మచ్చర్ ఇటీవల విమానంలో చోటుచేసుకున్న ఘటనలో చూపిన ధైర్యసాహసాలు ప్రశంసలు అందుకుంటున్న నేపథ్యంలో కౌసర్ జహాన్ చేసిన వ్యాఖ్యలు రాజకీయంగా ప్రాధాన్యం సంతరించుకున్నాయి.