రియాద్: సౌదీ అరేబియాపై యెమెన్‌కు చెందిన హౌతీ తిరుగుబాటుదారుల దాడులు కొనసాగుతున్నాయి. ఈరోజు తమ వైపు దూసుకొచ్చిన ఓ బాలిస్టిక్ మిస్సైల్, డ్రోన్‌ను అడ్డుకున్నట్లు సంకీర్ణ దళాలు తెలిపాయి. రియాద్ లక్ష్యంగా ప్రయోగించిన మిస్సైల్ ను వైమానిక రక్షణ వ్యవస్థలు కూల్చివేయగా, తూర్పు ప్రావిన్స్‌లో మరో డ్రోన్‌ను ధ్వంసం చేసినట్లు సంకీర్ణ దళాల అధికార ప్రతినిధి బ్రిగేడియర్ జనరల్ తుర్కీ అల్ మాలికీ వెల్లడించారు.

ఈ క్రమంలో రియాద్, నజ్రాన్, వాడీ అల్ దవాసిర్ ప్రాంతాల్లో సౌదీ పౌర రక్షణ విభాగం ముందస్తు హెచ్చరికలు జారీ చేసింది. ఆ తర్వాత జెడ్డా, యాంబు, తాయిఫ్, మక్కా గవర్నరేట్లలోనూ అధికారులు ప్రమాద హెచ్చరికలు జారీ చేసి, కొద్దిసేపటికే వాటిని ఉపసంహరించుకున్నారు.