మస్కట్: అనారోగ్యంతో బాధపడుతున్న ఓ వ్యక్తిని ఎయిర్ లిఫ్ట్ ద్వారా మస్కట్ కు తరలించినట్లు ఒమన్ రాయల్ ఎయిర్ ఫోర్స్ (RAFO) వెల్లడించింది. దక్షిణ అల్ షర్కియా గవర్నరేట్‌లోని మసీరా ఆసుపత్రి నుంచి మస్కట్‌లోని ఖౌలా ఆసుపత్రికి తీసుకెళ్లినట్టు పేర్కొంది. అతని ఆరోగ్య పరిస్థితి దృష్ట్యా మెడికల్ ఎమర్జెన్సీ కావడంతో ఈ ఎయిర్ లిఫ్ట్ చేపట్టినట్లు అధికారులు తెలిపారు. ఖౌలా ఆసుపత్రిలో అతడికి అవసరమైన ప్రత్యేక వైద్య చికిత్స అందిస్తున్నట్లు RAFO అధికారులు వెల్లడించారు.