'శనార్తి' రెగ్యులర్ షూట్ ప్రారంభం

- October 24, 2026 , by Maagulf

$\'శనార్తి\' రెగ్యులర్ షూట్ ప్రారంభం$

ఆదిత్య మూవీస్ సమర్పణ లో సంపత్ నంది టీమ్ వర్క్స్, శ్రీ ధనలక్ష్మి ప్రోడక్షన్స్ సంయుక్త నిర్మాణంలో రాజ్ వెడ్స్ రాంబాయ్ ఫేమ్ అఖిల్ రాజ్, ఫోక్ క్వీన్ నాగదుర్గ హీరో, హీరోయిన్ లుగా రాబోతున్న చిత్రం "శనార్తి " రెగ్యులర్ షూట్ కరీంనగర్ జిల్లా వెలిచాల లో పూజ కార్యక్రమం తో ఘనంగా మొదలయింది.

ఈ కార్యక్రమంలో ప్రముఖ దర్శకులు సంపత్ నంది, ప్రొడ్యూసర్ శ్రీధర్ రెడ్డి, ఇతర నటీనటులు పాల్గొన్నారు. సుమారు నెల పాటు వెలిచాల, గట్టు భూత్కూర్ లో జరగనుంది. ఈ చిత్ర దర్శకులు గణేష్ రాజ్ ఉప్పునూటి గంగాధర మండలం, గట్టు బూత్కూర్ చెందిన వారు కావడం విశేషం.

తెలంగాణ సంప్రదాయ, సాంస్కృతిక మూలాల్ని గుర్తు చేసే ఈ చిత్రం ఒక మరిచిపోలేని మైలురాయి గా నిలవనుంది.

రచయితగా, కథకుడిగా, షోరన్నర్‌గా తనకున్న ప్రతిభతో పేరుగాంచిన దర్శకుడు సంపత్ నంది 'ఓదెల' ఫ్రాంచైజీతో సహా విజయవంతమైన కథలు, ఫ్రాంచైజీలను రూపొందించడంలో కీలక పాత్ర పోషించారు. 'శనార్తి'తో ఆయన అనుబంధం ఈ ప్రాజెక్ట్‌పై అంచనాలను పెంచుతోంది.

తన విలక్షణమైన సంగీతంతో శంసలు పొందిన సురేష్ బొబ్బిలి ఈ చిత్రానికి సంగీతపరంగా మరింత బలాన్ని చేకూరుస్తున్నారు. ఈ చిత్రానికి విశ్వనాథ్ రెడ్డి డీవోపీ, బేబీ సురేష్ భీమగాని ఆర్ట్ డైరెక్టర్.

నటీనటులు: అఖిల్ రాజ్, నాగ దుర్గ, మురళీధర్ గౌడ్, సునందిని, సుంకర లక్ష్మి, రమేష్ నకిరికంటి, వైవా రెడ్డి, మై విలేజ్ షో రాజు, అంజి బాబు

సాంకేతిక బృందం :
నిర్మాత: కె. వి. శ్రీధర్ రెడ్డి, సంపత్ నంది
దర్శకత్వం: గణేష్ రాజ్ ఉప్పునూటి
రచయిత: యెన్నెన్జీ
డి.ఓ.పి : విశ్వనాథ్ రెడ్డి
ఆర్ట్ డైరెక్టర్: బేబీ సురేష్ భీమగాని
సంగీతం: సురేష్ బొబ్బిలి
కాస్ట్యూమ్ డిజైనర్: ఆయేషా మరియం
పబ్లిసిటీ డిజైన్స్: ధని ఏలే
ఎగ్జిక్యూటివ్ ప్రొడ్యూసర్: గిరిధర్ మామిడిపల్లి
ప్రొడక్షన్ కంట్రోలర్: రమణ కొర్రపాటి
కో-డైరెక్టర్ : రవి కందుకూరి
పి.ఆర్.ఓ (PRO): వంశీ - శేఖర్