దుబాయ్: పిల్లల్లో ఏకాగ్రత, ఆత్మవిశ్వాసం, నిర్ణయాలు తీసుకునే సామర్థ్యాన్ని పెంపొందించడమే లక్ష్యంగా ఆర్ట్ ఆఫ్ లివింగ్ సంస్థ ‘ఇంట్యూషన్ ప్రాసెస్’ (Intuition Process) కార్యక్రమంపై ఉచిత ఆన్‌లైన్ డెమో సెషన్‌ను నిర్వహించనుంది. 5 నుంచి 18 ఏళ్ల వయస్సు గల పిల్లలు, వారి తల్లిదండ్రులు ఈ కార్యక్రమంలో పాల్గొనవచ్చు.

ఈ ఆన్‌లైన్ డెమో సెషన్ నవంబర్ 10, 2026, మంగళవారం రాత్రి 8 గంటల నుంచి 9 గంటల వరకు జూమ్ (Zoom) వేదికగా జరగనుంది.

ఈ కార్యక్రమం ద్వారా పిల్లల్లో సహజమైన అంతర్గత అవగాహన, ముందుచూపు, ఏకాగ్రత, ఆత్మవిశ్వాసాన్ని పెంపొందించే పద్ధతులను పరిచయం చేయనున్నారు. అలాగే ప్రపంచవ్యాప్తంగా ప్రసిద్ధి చెందిన సుదర్శన క్రియ (Sudarshan Kriya) గురించి కూడా అవగాహన కల్పించనున్నారు.

ఈ ఇంట్యూషన్ ప్రాసెస్ ద్వారా పిల్లల్లో మెరుగైన నిర్ణయాలు తీసుకునే సామర్థ్యం, తెలియని విషయాల పట్ల భయాన్ని అధిగమించడం, ప్రశాంతమైన మనస్సు, మెరుగైన వ్యక్తిగత సంబంధాలు, ఆత్మవిశ్వాసం వంటి లక్షణాలు అభివృద్ధి చెందుతాయని నిర్వాహకులు తెలిపారు.

పిల్లల సమగ్ర వ్యక్తిత్వ వికాసానికి, మానసిక ప్రశాంతతకు, సానుకూల ఆలోచనా విధానానికి ఈ కార్యక్రమం దోహదపడుతుందని పేర్కొన్నారు.

ఈ ఉచిత ఆన్‌లైన్ డెమో సెషన్‌లో పాల్గొనాలనుకునే తల్లిదండ్రులు, మరిన్ని వివరాల కోసం 050 7705610 నంబర్‌ను సంప్రదించవచ్చు.