కువైట్: ఈ ఏడాది క్యాంపింగ్ సీజన్‌ను ప్రారంభించాలా? లేక రద్దు చేయాలా? అనే విషయంపై ఇంకా ఎలాంటి నిర్ణయం తీసుకోలేదని కువైట్ మున్సిపాలిటీ ప్రకటించింది. భద్రత, ప్రజల రక్షణకు సంబంధించిన పరిస్థితులను సంబంధిత అధికారులతో కలిసి నిశితంగా పరిశీలిస్తున్నట్లు వెల్లడించింది.

క్యాంపింగ్ సీజన్ ప్రారంభ తేదీపై లేదా క్యాంప్ స్థలాల కోసం అనుమతుల దరఖాస్తుల స్వీకరణపై ఇప్పటివరకు ఎలాంటి అధికారిక ప్రకటన చేయలేదని మున్సిపాలిటీ స్పష్టం చేసింది. అధికారిక ప్రకటన వెలువడకముందే క్యాంపులు ఏర్పాటు చేయడం, క్యాంపింగ్ స్థలాలను సిద్ధం చేయడం నిబంధనలకు విరుద్ధమని హెచ్చరించింది. ప్రజలు నిబంధనలను తప్పనిసరిగా పాటించాలని, క్యాంపింగ్ ఏర్పాట్ల కోసం అధికారిక ప్రకటన వచ్చే వరకు వేచి ఉండాలని సూచించింది.