ఉమెన్ సేఫ్టీ వింగ్‌కు కొత్త డీజీ..బాధ్యతలు చేపట్టిన సౌమ్య మిశ్రా

- November 16, 2026 , by Maagulf
ఉమెన్ సేఫ్టీ వింగ్‌కు కొత్త డీజీ..బాధ్యతలు చేపట్టిన సౌమ్య మిశ్రా

హైదరాబాద్: తెలంగాణ మహిళా భద్రతా విభాగం (ఉమెన్ సేఫ్టీ వింగ్) డీజీగా డాక్టర్ సౌమ్య మిశ్రా సోమవారం బాధ్యతలు స్వీకరించారు. హైదరాబాద్‌ లక్డీకాపూల్‌లోని మహిళా భద్రతా విభాగం కార్యాలయంలో ఆమె ఈ బాధ్యతలు చేపట్టారు. అనంతరం మీడియాతో మాట్లాడిన ఆమె, మహిళలు మరియు చిన్నారుల రక్షణే ధ్యేయంగా తమ కార్యాచరణ ఉంటుందని స్పష్టం చేశారు.

బాధ్యతల స్వీకరణ‌
హైదరాబాద్ లక్డీకాపూల్‌లోని మహిళా భద్రతా విభాగం కార్యాలయంలో డీజీగా డాక్టర్ సౌమ్య మిశ్రా అధికారికంగా బాధ్యతలు స్వీకరించారు. మహిళలు మరియు చిన్నారుల భద్రత, రక్షణతో పాటు వారి సాధికారతకు అత్యంత ప్రాధాన్యం ఇస్తామని ఆమె పునరుద్ఘాటించారు.

ప్రత్యేక అవగాహన కార్యక్రమాలు
స్త్రీల భద్రతపై ప్రజల్లో మరింత అవగాహన కల్పించే దిశగా ప్రత్యేక కార్యక్రమాలు నిర్వహిస్తామని తెలిపారు.
సమాజంలో మార్పు కోసం కమ్యూనిటీ భాగస్వామ్యాన్ని పెంపొందించడంతో పాటు, జెండర్ సెన్సిటైజేషన్‌పై ప్రత్యేకంగా దృష్టిసారిస్తామని వెల్లడించారు.

Click/tap here to subscribe to MAAGULF news alerts on Telegram

తాజా వార్తలు

- మరిన్ని వార్తలు

Copyrights 2015 | MaaGulf.com