యూఏఈ నేషనల్ డేకి షార్జా ప్రభుత్వ ఉద్యోగులకు ఐదు రోజుల సెలవులు
- November 18, 2026
డిసెంబర్ 2 నుంచి 6 వరకు హాలిడేస్.. డిసెంబర్ 7న తిరిగి విధులకు హాజరు
షార్జా: యూఏఈ నేషనల్ డే(ఈద్ అల్ ఇతిహాద్) సందర్భంగా షార్జా ప్రభుత్వ ఉద్యోగులకు ఐదు రోజుల పాటు సెలవులు ప్రకటించారు. ఈ మేరకు షార్జా ప్రభుత్వ మానవ వనరుల విభాగం అధికారిక ప్రకటన విడుదల చేసింది.
ప్రకటన ప్రకారం డిసెంబర్ 2 (బుధవారం), డిసెంబర్ 3 (గురువారం) తేదీల్లో ప్రభుత్వ ఉద్యోగులకు సెలవులు ఉంటాయి. షార్జాలో శుక్రవారం నుంచి ఆదివారం వరకు వారాంతపు సెలవులు ఉండటంతో, డిసెంబర్ 2 నుంచి 6 వరకు వరుసగా ఐదు రోజుల పాటు ఉద్యోగులకు సెలవులు లభించనున్నాయి. డిసెంబర్ 7 (సోమవారం) నుంచి ప్రభుత్వ కార్యాలయాలు యథావిధిగా పనిచేయనున్నాయి.
ఇదిలా ఉండగా, దుబాయ్ ప్రభుత్వ ఉద్యోగులకు కూడా ఐదు రోజుల సెలవులు ప్రకటించారు. దుబాయ్లో శుక్రవారం, డిసెంబర్ 4వ తేదీని అదనపు అధికారిక సెలవుగా ప్రకటించారు.
మరోవైపు, యూఏఈ ఫెడరల్ అథారిటీ ఫర్ గవర్నమెంట్ హ్యూమన్ రిసోర్సెస్ (FAHR) కూడా ఫెడరల్ ప్రభుత్వ ఉద్యోగులకు డిసెంబర్ 2 నుంచి 4 వరకు సెలవులు ప్రకటించింది. శనివారం, ఆదివారం వారాంతపు సెలవులు కలిసిరావడంతో వారికి కూడా ఐదు రోజుల పాటు విరామం లభించనుంది.
యూఏఈ 55వ నేషనల్ డే వేడుకల సందర్భంగా ఉద్యోగులకు ఈ సెలవులు ప్రకటించారు.
తాజా వార్తలు
- Ras Al Khaimah named world’s No. 1 city for expats in 2026
- తాయిఫ్ గవర్నర్తో భారత కాన్సుల్ జనరల్ ఫహద్ సూరి భేటీ
- చార్మినార్ పరిసరాల్లో నకిలీ వెండి వర్క్ తయారీ కేంద్రాలపై పోలీసుల దాడులు
- యూఏఈ నేషనల్ డేకి షార్జా ప్రభుత్వ ఉద్యోగులకు ఐదు రోజుల సెలవులు
- తెలంగాణలో SIR గడువు మళ్లీ పొడిగించిన ఎన్నికల సంఘం
- ఒమన్లో వాహనాలు, కంప్యూటర్ల చోరీ.. నిందితుడి అరెస్ట్..!!
- సౌదీ అరేబియాలో భారీ వర్షాల హెచ్చరిక.. అలర్ట్ జారీ..!!
- బహ్రెయిన్లో చిల్డ్రన్ డే..ప్రత్యేక అవసరాలున్న చిన్నారులతో భారత రాయబారి..!!
- దుబాయ్ ఎయిర్పోర్టులో ‘ఫ్యాషన్ అవెన్యూ’..!!
- ఖతార్ లో సముద్ర విజ్ఞానంపై చిన్నారులకు ప్రత్యేక శిక్షణ..!!







