ఓ ఒంటె కారణంగా ఇద్దరు రాయల్‌ ఒమన్‌ పోలీసులు మృతి చెందిన ఘటన ముదైబిలో చోటుచేసుకుంది. రోడ్డుపై అడ్డదిడ్డంగా వెళుతోన్న ఒంటెను, రాయల్‌ ఒమన్‌ పోలీసులకు చెందిన పెట్రోలింగ్‌ వాహనం ఢీకొంది. ఈ ఘటనలో పోలీసులు ప్రయాణిస్తున్న వాహనం బోల్తా కొట్టింది. ఇద్దరు పోలీసులు చనిపోగా, మరొకరు తీవ్రంగా గాయపడ్డారు ఈ ప్రమాదంలో. రోడ్లపై విచ్చలవిడిగా తిరిగే ఒంటెలతో వాహనదారులకు తరచూ ప్రమాదాలు జరుగుతున్నాయి. ఒంటెల్ని పెంచుకుంటున్నవారు, వాటిని రోడ్లపైకి విచ్చలవిడిగా వదిలేయరాదనీ, రాత్రి వేళల్లో ఒంటెల కారణంగా ప్రమాదాలు ఎక్కువవుతున్నాయని రాయల్‌ ఒమన్‌ పోలీసు అధికారి ఒకరు చెప్పారు.