భారత క్రికెటర్‌ యువరాజ్‌ సింగ్‌.. ప్రేయసి హేజిల్‌ కీచ్‌లు ఎప్పుడు వివాహం చేసుకుంటారా అని అభిమానులతో పాటు క్రికెటర్లూ ఎంతో ఆతృతగా ఎదురుచూస్తున్నారు. ఇదే విషయమై యువరాజ్‌ ముంబయిలో నిర్వహించిన ఫ్యాషన్‌ కార్యక్రమంలో వెల్లడించాడు. డిసెంబర్‌ మొదటివారంలో తాను హేజిల్‌ని వివాహం చేసుకుంటున్నానని చెప్పాడు. అనంతరం కాబోయే భార్య హేజిల్‌తో కలిసి ర్యాంప్‌ వాక్‌ చేశాడు. యువరాజ్‌తో పాటు క్రికెటర్లు క్రిస్‌గేల్‌, రోహిత్‌ శర్మలూ ర్యాంప్‌ వాక్‌ చేశారు. ఈ ఫ్యాషన్‌ కార్యక్రమానికి బాలీవుడ్‌ ప్రముఖులు కూడా హాజరయ్యారు.