రియాద్‌: మినిస్ట్రీ ఆఫ్‌ లేబర్‌ మరియు సోషల్‌ డెవలప్‌మెంట్‌, రియాద్‌ రీజియన్‌లో 13 ఇన్‌స్పెక్షన్‌ కార్యాలయాల్ని ఏర్పాటు చేయాలని భావిస్తోంది. టెలికాం సెక్టార్‌లో జాబ్‌ లోకలైజేషన్‌ కోసం ప్రాపర్‌ అప్లికేషన్‌ దిశగా ఈ కేంద్రాల్ని ఏర్పాటు చేయనున్నారు. బతా మరియు తైబా మార్కెట్‌ ప్రాంతాల్లో తొలి విడతగా రెండు కార్యాలయాల్ని ఏర్పాటు చేస్తారు. ఈ కార్యాలయాల ద్వారా ఇన్‌స్పెక్టర్లు ఇన్‌స్పెక్షన్‌ క్యాంపెయిన్‌ని ప్రారంభించనున్నారు. సౌదీజేషన్‌పై తమ కమిట్‌మెంట్‌ని ఈ కార్యాలయాల ఏర్పాటుతో నిరూపించుకుంటున్నామనీ, లోకలైజేషన్‌ విషయంలో తలెత్తే ఇబ్బందులు, అలాగే జరుగుతున్న అక్రమాలకు ఈ క్యాంపెయిన్‌ ద్వారా చెక్‌ పెట్టనున్నట్లు మినిస్ట్రీ అసిస్టెంట్‌ అండర్‌ సెక్రెటరీ - స్పెషల్‌ ప్రోగ్రామ్స్‌ అబ్దుల్‌మునిమ్‌ అల్‌ ష్రిహ్రి చెప్పారు. లోకలైజేషన్‌ కోసం 100 మంది ఇన్‌స్పెక్టర్లను ఏర్పాటు చేస్తోంది మినిస్ట్రీ.