నందమూరి నటసింహం బాలకృష్ణ తన అల్లుడు నారా రోహిత్‌ను అభినందించారు. 'జ్యో అచ్యుతానంద' సినిమా ప్రేక్షకులను ఆకట్టుకుని విజయం సాధించడం సంతోషంగా ఉందని బాలకృష్ణ అన్నారు. నారా రోహిత్ పనితనం చూస్తుంటే తనకు గర్వంగా ఉందని బాలకృష్ణ మెచ్చుకున్నారు. అద్భుతమైన నటనతో మరిన్ని మంచి పాత్రలు చేయాలని కోరుకుంటున్నానని బాలకృష్ణ చెప్పారు. జ్యో అచ్యుతానందలో నారా రోహిత్ పోస్టర్‌ను షేర్ చేసి, తన అల్లుడు చేస్తున్న భవిష్యత్ ప్రాజెక్టులకు ఆల్ ది బెస్ట్ చెప్పారు బాలయ్య. నటుడు శ్రీనివాస్ అవసరాల డైరెక్షన్‌లో నారా రోహిత్, నాగశౌర్య, రెజీనా ప్రధాన పాత్రలు పోషించిన జ్యో అచ్చుతానంద మూవీ శుక్రవారం విడుదలై ప్రేక్షకులను మెప్పిస్తున్న విషయం తెలిసిందే.