ప్రేమ చిత్రాలకు కోలీవుడ్‌లో చిరునామాగా గుర్తింపు తెచ్చుకున్నారు దర్శకుడు గౌతంమేనన్‌. ఇప్పుడు విలన్‌గా వెండితెరకు పరిచయం కానున్నారు. అజయ్‌ జ్ఞానముత్తు దర్శకత్వంలో తెరకెక్కుతున్న చిత్రం 'ఇమైక్క నొడిగల్‌'. ఇందులో అధర్వ హీరో. నయనతార కథానాయికగా నటిస్తోంది. ఈ చిత్రంలో గౌతంమేనన్‌ విలన్‌గా నటిస్తున్నారు. ప్రస్తుతం కోలీవుడ్‌లో ఇదే హాట్‌టాపిక్‌గా మారింది. సినీ వర్గాలు కూడా ఆశ్చర్యపోతున్నాయి. ఈ కథ బాగా నచ్చడంతోనే విలన్‌గా నటించేందుకు గౌతం సమ్మతించారని తెలుస్తోంది. మరోవైపు అధర్వకు దీటుగా నయనతార ఇందులో కీలకపాత్ర పోషిస్తోంది. ఇతర వివరాలు త్వరలోనే అధికారికంగా వెలువడనున్నాయి.