చెన్నై: అలనాటి నాయికగా తెలుగు, తమిళ ప్రేక్షకుల హృదయాల్లో సుస్థిర స్థానాన్ని సంపాదించుకున్న నటి రాధ. తెలుగులో సూపర్ డాన్సర్గా ఆమె గుర్తింపు తెచ్చుకున్నారు. సినిమాల్లో మంచి అవకాశాలు వస్తున్నప్పుడే నిర్మాత రాజశేఖర్ను పెళ్లి చేసుకున్నారు. అనంతరం కేరళలో స్థిరపడి సినిమాలకు విరామమిచ్చారు. ఇదిలా ఉండగా ఆమె కుమార్తె కార్తిక 'కో' చిత్రంలో నటించి మెప్పించారు. మరో కుమార్తె తులసి రెండు సినిమాల్లో నటించారు. ఇదిలా ఉండగా రాధ- రాజశేఖర్ల 25 వ పెళ్లిరోజు వేడుక ఇటీవల తిరువనంతపురంలో ఘనంగా జరిగింది. ఈ మేరకు సంబంధిత వర్గాలు చెన్నైలో విడుదల చేసిన ప్రకటనలో పేర్కొన్నారు.