మెగా స్టార్ చిరంజీవి, కలెక్షన్ కింగ్ మోహన్ బాబు ల మధ్య వైరం గురించి అందరికీ తెలుసున్న సంగతే.. కాగా మా ఇద్దరి మధ్య టామ్ అండ్ జెర్రీ రిలేషన్ ఉంది అని మోహన్ బాబు ఒక సారి వెల్లడించారు. కాగా ఇద్దరికీ మధ్య ఎంత వైరం ఉందో తెలియదు కానీ ఒకరి ఫ్యామిలీ ఫంక్షన్ కు మరొక ఫ్యామిలీ హాజరు అవుతూనే ఉంటారు. తాజాగా చిరు 61 వ పుట్టిన రోజు వేడుకల్లో మంచు లక్ష్మి చిరుతో కలిసి డ్యాన్స్ కూడా చేసింది. కాగా మోహన్ బాబు సినీ పరిశ్రమలో అడుగు పెట్టి 40 ఏళ్ళు పూర్తి చేసుకున్నారు. ఈ సందర్భాన్ని పురష్కరించుకొని టి. సుబ్బిరామి రెడ్డి ఆద్వర్యంలో వైజాగ్ లోని మున్సిపల్ స్టేడియం లో మోహన్ బాబుని "నవరస నట తిలకం" పురష్కారంతో సత్కరించనున్నారు. ఈ వేడుకకు తెలుగు తారాతోరణం తరలి వెళ్లనున్నది. వెంకటేష్, నాగార్జున, దాసరి, జయసుధ, జయప్రద, సుమలత వంటి వారు ఈ వేడుకకు హాజరు కానున్నారు. కాగా చిరు తన 150 సినిమా షూటింగ్ లో బిజీగా ఉన్నా మోహాన్ బాబు తో ఉన్న స్నేహం రీత్యా వేడుకకు హాజరు కానున్నారట. ఈ వేడుక ఈ నెల 17న అంగరంగ వైభవంగా జరగబోతున్నది. -