ప్రమాదాల్లో మరణించిన లేదా తీవ్రంగా గాయపడ్డవారి ఫొటోల్ని, వీడియోల్ని పబ్లిష్‌ చేయడం, ప్రచారం చేయడాన్ని తీవ్రమైన నేరంగా పరిగణిస్తూ పీనల్‌ కోడ్‌లో సవరణలకోసం అడ్వయిజరీ కౌన్సిల్‌కి క్యాబినెట్‌ రిఫర్‌ చేసింది. ప్రచారం చేసినవారినే కాకుండా షేరింగ్‌ చేయడం, ఏ రకంగా అయినా క్లిక్‌ చేయడం వంటిని కూడా నేరంగా పరిగణించి, పెనాల్టీ విధించనున్నారు ఈ కొత్త అమెండ్‌మెంట్‌ ద్వారా. ప్రైమ్‌ మినిస్టర్‌ షేక్‌ అబ్దుల్లా బిన్‌ నాజర్‌ బిన్‌ ఖలీఫా అల్‌ థని సూచనల మేరకు పీనల్‌ కోడ్‌లో అమెండ్‌మెంట్‌ జరగనుంది. ప్రమాదాల్లో బాధితుల ఆవేదన వర్ణనాతీతం అనీ, ఆ సమయంలో వారి ప్రైవసీకి ఇబ్బందులు కలిగించడం, ఆ ఫొటోల్ని చూసి ఇతరుల్ని భయకంపితుల్ని చేయడం వంటివి మానవీయం కాదని అధికారిక వర్గాలు అంటున్నాయి. సోషల్‌ మీడియా ద్వారా ప్రచారం చేసే ఇలాంటి చర్యలను ఇప్పటికే నేరంగా పరిగణిస్తుండగా, లైక్‌ చేయడం షేర్‌ చేయడం వంటివాటికీ కఠినమైన పెనాల్టీలు విధించనున్నారు కొత్త చట్టం ద్వారా.